Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

ForumPakistan.com

Bookmark site!


Roti Da Chanun


Bookmark and Share
 
Reply to topic    Forum Pakistan - Pakistani Forums Home » Punjabi Forum
Roti Da Chanun
Author Message
Dr Maqsood Hasni
Senior Proud Pakistani
Senior Proud Pakistani


Joined: 09 Jun 2007
Posts: 1094
Location: punjab

Roti Da Chanun
Roti Da Chanun

روٹی دا چانن


شاعر

مقصود حسنی

ترتیب و جمع بندی

پروفیسر سید محمد رضا مدنی
پرنسپل گورنمنٹ کالج
منچن آباد
پاکستان


چن دا چاء

چن کد چڑ سی
ایہہ تاں میں نءیں جاندا
پر اینا جرور اے
جد وی چن چڑھیا
سارا جگ ویکھ لوے گا
چن دی اڈیکاں والے
چن ویکھن دا
شونق تاں کر دے نے
چن چڑھ سی کوتھے
جد توں دھرتی دا ماما
ایٹم بمب ہتھ وچ پھڑ کے بیٹھا اے
آکاش دے جگنو
کسے ہور دھرتی نوں
چانن ونڈن لئ ٹر گیے نے
لوکاں دے سر تے
چن دی تھاں
موت دے بدل
خوف دا دھواں
مقدر بن کھلوتا اے
چن دا چاء
میں نءیں جاندا
اجے تیک مریا کیوں نءیں


جہڑا سر چاسی

اپنے ہتھ میٹی کرن لئ
جہڑے پٹھا ورتاوا کر دے نے
اوہناں دے سر تے پریا دی پگ
چونویں خط وچ
اوہناں دے منہ دے منافق بول
سرداری دیاں کندھاں
لوکاں لئ گلپ دیاں پونیاں چرخے
ویکھن لئ ون سوونے سفنے
آس امیداں نال کھیسے چا بھر دے نے
جہڑا سر چاسی
اوہدے آودے ای
سو لتر جڑ دے نے
فر وی سر چاسی
کسے ہو دی کرنی دی پنڈ
اوہدے سر دا گہنا بن سی
کون تے میں کیہ آں
سبھ کجھ پہل جاسی
پہل جاسی


رج ٹکر منگو

بکرے نوں چنگا چوسا
رسی لاہ کے چھڈ دیو
گل وچ گانی
پیراں وج چھن چھن کر دی چہانجر
تہاڈیاں اپنیاں ریجھاں نے
اوہدا سارا سونپ
تہاڈے بوجے دی وڈیائ
اوہدی وڈیائ تاں اے
جے چھری ہیٹھ نہ آوے
پگاں والے
گل آزادی دی کردے نے
رویے دی تھاں چوانی دیندے
جءے جءے کار دی لوبھا رکھدے
چھڈو آزادی دیاں گلاں
رج ٹکر منگو
یاں چھری نوں قست سمجھو
اوہ ان پڑھ قصائ نے
بنتی دی بھاشا دے کد جانو نے
نمانے لوکاں
امیداں دے بوہے
خورے کیوں پہڑے نءیں


اسیں لوبھی آں

عشق سبھ توں اچا
شہت توں مٹھا
چن سورج توں سچا سچا
ایہہ پر کتابی گلاں نے
پیسے نا جڑی لوبھ
یاں جسم دے چسکے نوں
لوکیں پیار محبت آکھن
متھے عشق دا لیبل لا کے
مجنوں دے موڈے نال موڈا جوڑن
کوئ پچھے
کتھے پیار محبت
چن دے چانن وچ دھویاں
سسی ہیر تے لیلی جیاں کڑیاں
قوریں جا وسیاں نے
لوکو عشق متھے
بدنامی دا ٹکا کیوں لاندے جے
سدی وڈو
اسیں جسم تے پیسے دے لوبھی آں
اسیں لوبھی آں


اج دا جیون

مرن جیون دو پہناں
توں مریں تے لوکیں تینوں
اکھاں وچ پرون
میں جیندےجی تل تل مردا
سچ دی تھاں لالچ ملی
اج دا جیون
صاب دے جیون دی غزل دا مکھڑا
ساڈا مرن صاب دی جتی تھلے
اوہدے بول آءین قانوں دے متر
میں بولاں تے دہشت گردی
میرے دل دے بوہے کھلن تے
ایہو جیا تماشا کردا
لوکیں مینوں ویکھدے نءیں
سندے نءیں
لوکیں تاج محل ویکھدے رہ نے
ویکھدے رہن گے


میں اک دھی نمانی

میں اک دھی نمانی
سووے جوڑے لئ
با پو دے خالی بوجے
بیبے دے ہنجوواں دے ہڑ اندر
رڑ دی رڑ دی
کالے دیساں آ کھلوتی
میں کیہ آں
میرا مل تاں اٹی وی نءیں لگیا
مل پاون والا
سہرے دے کھیسے اندر
اٹی پیا لبھدا اے
دھیاں دے ماپے کملے
ملکاں دا وارث
دھیاں دیون توں پہلاں
اٹی دینا
خورے کیوں پہل جاندا اے


رج جا ٹبے ملے

حرص دا جن
جد وادی وڑیا
رج جا ٹبے ملے
مچھلی لئ جل کیتھوں
کھیتاں جد پہکھ اگی
روٹی شکل وٹائ
ماواں دیاں اکھاں اتے
بےخبری دی پٹی بنو
پت پہکھ مر دے
نال فرعوناں لڑ دے
ماواں لئ سفنا ہوے
اوہ کیویں نہ منجی ملن
وید حکیم مشینی ہوے
ہسپتالاں وچ رت کیتھوں
اے پر گلیاں رت بھریاں نیں

ڈب جان دیو

میں کیویں نیویں ہوواں
اوہ پت لمبڑ دا اے
دن دیویں محنت لٹ دا اے
دھی میں گریباں دیاں آں
پر حسن دریا وگدا اے
اوہ میرے تے مر دا اے
رب ہتھ میرے
ویلے دی ڈوراں دتی
نک نک ڈب جان دیو
پانی اچے وگدا
سورج لہندے چڑھدا
دھیاں دے ماپے
ازلیں نمانے
اہیہ ویکھن لئ
صدیاں نرکیں سڑ دے بلدے رہ نیں

وریاں توں

الله دا دتا کیہ کجھ نہءیں تیرے کول
اے پر اکھاں دی پہکھ مک دی ناہیں
نویں لئ پرانے دی عجت مٹی کرنا
صفت لمڑاں دی اے
تیرے چت وچ اہیہ گل
کداں برفاں وچوں سیکا لبھے
اے پر برفاں وچ تیرا ناواں لبھدا
مامے دی جیبوں کھاویں
گن لمبڑاں دے گاویں
اہیہ گل اوس ککڑی دی مافق اے
کڑ کڑاپنے گھر
انڈے ملکاں دے ڈیرے دیوے
یاں فر بچے اپنے
رن پاسے دی پہاوے
لوکاں دا پہوجن
چپ چپیتے کھیسے کرنا
سوکھا ناہیں
جد توں اہیہ کرتب تینوں آیا
لوکیں تیرے گوڈے لگے نیں
سبھ کجھ ہو کے وی
دھی تیری
سر دے لیڑے دا راہ پئ تک دی ایہہ
اگ چہلے دی
وریاں توں نمانی ہوئ اے

میں کیکن دساں

یہاتی نیں رنگاں مانہہ
اچ اچیچا اونہہ رنگ
ساہنوان نیاں پلکاں اوہلے
ٹر دا پھردا اونہہ پرچھاواں
اوہنی مٹھی مانہہ
مہاڑے لیکھاں نیں اکھر
جاں مٹھی کھولن لئ کرناں
مہاڑے خون نی گردش رکنی
ایہہ پرونہہ کیجا
مٹھی اکھیں تکے
سینے لگناں ٹھنڈیں پونا
ریتاں بجا
یاں ریتاں مانہہ بننا
میں کیکن دساں
مہاڑے سانہواں مانہہ اونہہ آون جاون
اوہنے ہتھ مہاڑی یہاتی نی ڈور

جد پہکھ ستایا

جد پہکھ ستایا
رکھ مودے پرنا
سجناں ول ٹر آیا
اوہ وی میرے وانگر سن
مشوریاں دی پنڈ سر تے چائ کے
کس دی منناں کس دی ٹالاں
ایہہ ویروا لاندا
اکلاپے کولوں چانن لبھدا
بدھ بدھی لئ
میں ٹکر لئ
پیپل تھلے آ کھلوتا
گیانی لگدا ساں
پہکھ مر گئ سی
بدھی دے قابل نءیں ساں


واری توں پہلاں

ایس وسیبے اندر
پہکھ ندیدے پتراں والے
اپنے گلمے چہاتی پاندے
کد شرماندے نے
کالے دیساں وچ
چن دی چاننی
ہتھاں دی مہندی
لبھدیاں لبھدیاں
واری توں پہلاں
دھیاں نوں لاڈ لاڈاون والے بابل
قوریں ڈیرے لاندے نے


پہکھ بٹیرا


اساں جمدے چاکر روڑا کوڑا
بندے مارو
ون سوونےکھنڈ کھڈونے
ساڈے کس کم دے
اوکڑ تہاڈی اسیں جریے
ملائ تسیں چٹو
اک کھنی ساڈے کھیسے پاؤ
گل مکاؤ
پہکھ بٹیرا ڈاڈا لڑدا
ایہہ گلاں نیں بس کہن دیاں


روٹی دا چانن


انار کلی دے دل تے کیہ ویتی
لوکیں کیوں ویکھن
کیویں ویکھن
تاریخ دے منافق اکھر
شاواں دے ہتھ بدے گولے
لوکاں دے اتھرو
دلاں دی دھک دھک
تاریخ دیاں اکھاں
روٹی دا چانن ویکھدیاں سن
ویکھدیاں نے


صبر دی بکل

ساون دے بدل
اکھاں وچ پرو کے
صبر دی بکل اندر
ہڑ شہید ارماناں دا

ویکھن لئ

سبھا تیرے دا
میں کیہ دساں
ویکھن لئ انگور مٹھائ
چھکن وچ
کوڑا تمہ

تمغے

تاریخاں کے پنے
قاتلاں ظالماں دے بیلی سجن
مظلوماں تے مقتولاں دے
جرماں دا دفتر
باجرگاں دا سینہ
حقے دے دھویں مارا
شاعراں دیاں اکھاں دیاں لکھتاں
ان پڑھراں دا ہاسا ٹھٹھا
اوناں دے بول
کناں دا چسکا
تاریخاں دے وارث
تاجاں تختاں والے
دوواں کی ہس ہس دیون
خذمت دے تمغے


اک بندہ تے اینے روپ

کوئ کیہ سمجھے کیہ جانے
کھیسے کی گھٹ گھٹ گنڈاں دینا
کم قاروناں دا
کھسنا تے کھس کے اکھاں ٹڈناں
کم فرعوناں دا
ونڈنا تے ونڈ تے
اکھاں وچ شکرانے
فقراں مانہہ لبھدے
اک اوہ تناں وچ نہ تیراں وچ
اک بندہ تے اینے روپ وٹاءے
کوئ کیہ سمجھے کیہ جانے


جے توں منگنا چاہیں

لوڑ وی کیہ اے
دعا منگن دی
ابلیس مرے جے
جو موت دی کہاٹی اترے
شر تان فر وی دونا ہوسی
اوس دے گندے انڈے بچے
دھرتی اتے کھلرے پلرے
جے توں منگنا چاہیں رب توں
شیطاناں ابلیساں اگے
ڈٹ جان دی ہمت منگ


میں کیکن دساں

کالے بدل وس سن
میں کیکن دساں
سارے بدلاں نیں ٹیڈے
جے پانی ہوندا
عشق دے کھیتر
کیوں سکے مر دے

بے نام نظمیں


جہڑے لبھن چڑھ نے
آخر کوں لب لینے
بلنی بھا لئ
پانی نا کوئ کھواں



ساون نے اتھرو
پہاڑاں ناں سینہ چیرن
تہاڈا دل خورے کاہدا بنیو
چنا اکھاں نی کن من
شیشے وانگوں
ٹت پجھ چوری ہوننی



کلا چرخو کیہ کر سیں
ہنجو پونیاں
ماڑی اکھ ٹکری ماں بہوں
آ مفتی جہولے پا
تاں جے چرخو نی کہوکر
تہاڈے ہون نی اکھی کھولے



تہاڈے مٹھے بولاں
ماڑی جان چھکی لئ
عشق محبت نیاں ریتاں
مانہہ کیہ جاناں
ایہہ رولا تاں
کمبل ناں رولا سی



سبھناں نے ہتھ
سگناں نی مہنی
مہاڑے ہتھ ماں پہکھ پتاوا
ٹک بناں
سگناں نی مہنی نے رنگ
نا سچے نا سچے



آساں نے دیوے بلدے رہن دیو
خورے کد
سورج نیاں اکھاں مانہہ
خود غرضی ناں موتیا
لتھی پوے



لبھن چڑھیے
تاں ای لبھنا
سورج نیاں اکھاں نا
چٹا سفنا



اڈیکاں نیاں پونیاں
کت کت میں بڈھی ہوئ
تہاڈے آون نا جد ویلا آونا
آساں نی گڈی
اکھاں نے شونق نے ٹیشن تے
کھلونا پہل جانی




کوچجی نے جد ہتھ آنی
من نی پہکھ ود جانی
اکھاں نا رج کیکن ہووے



پلکاں اوہلے
تعبیراں لبھنی
خاباں نے ویڑے
نچ کھلونی آساں نی تصبیر


چڑھدے سورج نے سبھ سجن بیلی
گھپ ان نھیریاں راتاں مانہہ
اپنا سایہ وی
نیڑیوں لنگنا پہل جانہہ
چکھڑ چھیڑیو بیچ کھلو کے
اپنو ای جسو جرنو پیندو


فراقاں مانہہ ڈبی شام نہہ تارے
ڈورے پہورے خاباں نہہ
انھے گونگے پرچھاویں ہوننے
خاباں تکنیاں تکنیاں
تعبیراں نہہ کاں
مسافر تھیندے


پہلاں سر متھے پا دھریو
مطبل نکلو تاں جتی رکھیو
جگ ناہہہ ورتارو
مہاڑی سمجھ مانہہ ایہہ گل
اج تیک ناں آئ


چپ آ
جیوں مندر مانہہ شیو
شیو تاں جانت ہووے
دلاں مانہہ کیہ کجھ
تیءں تو اپنے من کی ناں جانو
مہاڑی روح ہجر نیاں سولاں ونی
تیءں کوں کیا معلوم
دل اکھاں نیاں باریاں کھول
جے تیءں شیو نی ریسا کرنی


چمے چٹے صدقے واری جاوے
تاں جے اوہ محبوبے دا بچہ اے
چمیے چٹیے صدقے واری جاءیے
بچہ تاںبچہ اے


آؤ اج فر اھدر چلیے
جدھر لتراں دی ونڈ
پہن آکڑ دے سپ دا ڈنگ


تیں کیہ اپو جرنو پوسی
ایتھیں ہر دل مانہہ پہٹھ تندر
پلکاں اوہلےڈک کے رکھ
کھاداں پٹی کد قبولے
بےوسے ہنجو


بن پرنایو
دل نا چانن
جد اکھاں سوں چہاتی پاوے
ہوس نیں روڑے وٹے
چونہہ پاسوں
من آنگن ناں گہنہ بن نے
بابل دا چٹا پرنا
بیبے نیں سر دا چٹا چیڑا
پیراں نی مٹی رنگا ہو جاندا اے


پلکاں اوہلے
نہ لوکا لوکا کے رکھ
پہوں دے سپنے
پہوں تے سجدے
تختاں دیاں اکھاں
چن تاریاں نال جڑ دیاں نے


جس اکھ وچ
شرم تے نادھرم
اوس اکھ لئ
جیون دے سارے موسم
پہکھ دے موسم ہوندے نے


تی دیہاڑے
بن ناغہ انڈے ڈھندی
کڑ کڑ کر دی پہبدی اے
وریاں بدھی سانجھا جاتک جم والی
ناسیں ٹہویں ڈیگے
کن اکھاں دی ویری
بے موتے بن ویلے
اجل دے بوہے کھولے


بندے دا جیون
لوڑاں ہتھ بدھا گولا
لوڑاں دی ڈوراں
پہکھ دی سیتاں
نیفے بنی
جد پہکھ دی کمنی چھڑ دی
اچی پیڑی بیٹھے
دوزخ دا بالن کٹھا کر دے
فر وی پکھ دے پالے مر دے
جد تیک
پہکھ دا جن
تقوی دی سولی نءیں چڑھدا
کمنی ماری اچی پیڑی
لوڑاں چھلوی رہسی
ہل من مزید دا ہوکا
لوڑاں دے کن کھاندا رہسی


ویکھن نوں
دودھ توں چٹے
جب دے مٹھے
اچی تھاویں بہہ کے
لمیاں لمیاں چھڈ دے
اندروں بندے ناڈنگر
پرائ رج دے ویری
ککڑ کھا کے
پہکھ دی بو چھڈے
کدے دس کے
کدے چپ چپیتے
رکھی سکی وی کھس دے
اوہ مورکھ دیاں لکھتاں وچ
سچے سچے تے اوچے
کھٹن کماون والے
اوس دی نظرے
کمی کمین تے گولے رہسن


_________________
iushah
Sun Sep 30, 2012 2:47 pm View user's profile Send private message
ricky1991
Pak Newbie


Joined: 22 Nov 2012
Posts: 43

Water Reply with quote
hello,
Friends i am very grateful to join this forum site.
If you want some information about water filter than click here...
------------------------------------------------------------------------------------------------
WATER FILTER REVIEWS AND INFORMATION
------------------------------------------------------------------------------------------------
Thank You.
Wed Dec 26, 2012 11:10 am View user's profile Send private message
Dr Maqsood Hasni
Senior Proud Pakistani
Senior Proud Pakistani


Joined: 09 Jun 2007
Posts: 1094
Location: punjab

Reply with quote
janab is bare koee mazmoon ee likh kado. lokaan da faeda howay ga.
shukarriya

_________________
iushah
Tue Jun 25, 2013 9:26 pm View user's profile Send private message
Fiza Awan
Senior Member Pakistani
Senior Member Pakistani


Joined: 09 Jan 2017
Posts: 685

Reply with quote
zabardast punjabi di shahri share kiti tusi. bht bht shukariya twaada.
Fri Feb 17, 2017 7:38 pm View user's profile Send private message
Display posts from previous:    
Reply to topic    Forum Pakistan - Pakistani Forums Home » Punjabi Forum All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2

Copyright © ForumPakistan.com.pk 2017 All rights reserved.

Contact Us | Advertise | Report Abuse | FP Team | Disclaimer