Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

ForumPakistan.com

Bookmark site!


NISHAANYAT-E-GHALIB KAY SAKHTYA MAFAHEEM


Bookmark and Share
 
Reply to topic    Forum Pakistan - Pakistani Forums Home » Urdu Adab
NISHAANYAT-E-GHALIB KAY SAKHTYA MAFAHEEM
Author Message
Dr Maqsood Hasni
Senior Proud Pakistani
Senior Proud Pakistani


Joined: 09 Jun 2007
Posts: 1094
Location: punjab

NISHAANYAT-E-GHALIB KAY SAKHTYA MAFAHEEM
NISHAANYAT-E-GHALIB KAY SAKHTYA MAFAHEEM


AA
Meherban ho kay bola lo mujhy chaho jiss waqt
Main giya waqt nahain hoon kah pher aa na sakoon

Nashan “aa” panch kaenatoon say jurra howa hai:

1- Waqoo pazeri 2- Wapsi 3- Nazool 4- (Halat ki) Barqarari
5-Bolana (kisi ko) aanay kay leay kehna
She’er main aa musdar sakna kay sath warad howa hai jo emkanaat roshan kar raha hai jabkah doori wazey hai or qateat ko ojagar kar rahi hai. Sath main (gay) waqat (aatay) waqat kay sath taqabal bhe keya gaya hai taham es amer ko khool deya gaya hai kah (Aata) waqat her qesaam ki qateat say balatar hota hai. Esi tarah guzra kal aatay kal main apnay honay kay emkanat say khali nahain hota. Musdar sakna ko yah keh kar “Meherbaan ho kay bola lo” mushroot zaroor kar deya gaya hai. Wapsi kay emkanaat “Meherbaan ho kay bola lo” kay sath mushroot hain basurat-e-degar aana mumkin nahain. Masherti rujhanaat kay hawala say theen ammoor ki nashandahi hoti hai:

1- Ashsha roveaa(Meherbaan ho kay) logoon ko qareeb lata hai
2- Ashsha roveaa bohat say beghar katam karnay main maawan sabat hota hai
3- Waqat gha’oo bher dayta hai

Mazhabi hawala say daykha ja’ay to bhe teen ammoor samnay aatay hain:

1- Allah meherbaan hai meherbani pasand karta hai
2- Meherbani pather ko bhe moom bana dayti hai
3- Meherbani kay sabab begri bhe saanwar jati hai

Zeer-e-hawala she’er main yah alfaz “Meherbaan ho kay bola lo” es amer ki chugli kha rahay hain kah:

A- Koee ranjush mojood hai jo beghar ka sabab bani or beghar mojood hai
B- Runjush yak turfa hai jo khatam nahain ho rahi jabkah dusri taraf say ma’az musbatt esharay ki zoroorat hai
C- Wapsi kay emkanaat main kammi waqey nahain hoee
D- Aanay kaylea “Meherbaan ho kay”kaha ja’ay ga to hi wapsi mumkin ho
sakay gi
E- Balava fareeq-e-sani ki taraf say shertt-e-lazam hai

Goya pehall fareq-e-avval ki taraf say nahain ho gi. Es say saaf zaher ho raha hai kah fareeq-e-avval nay anna ka masla bana rakha hai. Lamahala anna ka masla fareeq-e-saani ka bhe hai jo khamoshi say kam lea ja raha hai. Anna kay maslay nay batt khool de hai kah fareeqain kisi mukhsoos jaga say mataaq nahain hain. Runjush her jaga or her door main fasloon ko kam karnay kay hawala say anna ka masla bani hai. Khooj es ammer ka karna hai kah yah koon hai jo meherbani main mulfoof blaway kay baghar wapis aanay kay lea tayar nahin:

1- Kaya wo koee ma’aasheray kay assuloon ka baghe hai?
2- Durbar say duhtkara howa koee shakhass hai jo bila maazrat or rovaay ki
tubdili(Mherbaan ho kay bola loo) kay baghar wapis aanay ko razi nahain
3- Kaya wo kisi jamaat ya garoo say alag ho janay wala hai
4- Kaya wo ghar say naaraz ho kar challa janay wala hai
5- Koee maatoob Aashaq hai?
6- koee mazhabi munharraf hai?

Aa ki tufheem kay lea en haqaeq ko bhe madd-e-nazar rakhna paray ga:

A- Qari zaman-o-makan ki qaed say aazad hota hai
B- Qari kisi mukhsoos field say mataalaq nahain hot
C- Kisi nashan ko kisi mukhsoos waqat ya jaga say
nathi nahain kiya ja sakta
D- Kiss ko aana hai or kiss nay bolana hai,
yah sab qari nay teh karna hai

AABGENA

Shisha, kaanch, baloor, aaena, almass, anggori sharab(1)
Dil,(2) shishay ka peyala,(3) sheshay ki sorahi(4)
Gena ko aabgena ka ekhtasar bhe kaha jata hai(5)
Gena ko zaraff or aab ko seaal shay moraad lain to zaraff main
dali hoe koe bhe seaal shay, maeni lay saktay hain
Yena batoor lahqa estaamal hota hai. Maslan
Khagena: kaag(Aanda)+yena aanday say bana howa salan waghera
Kkazena kaz(raysham ka kacha dhaga)+yena Khazana, makhzan jesay
estaamal ki surat nahain mili hoti
Darena Dayeer(Arsa, muddat)+yena qadeem, porana
Safena Saf(pani)+Naao, kashti, bayra, behri jayhaaz, pani per chalnay wala
/wali
Shabbena Shabbena(Ratt)+yena ratt ka basi

Her cheez ki eak haad maqaarar hai. Es say tajawaz nahain keya ja sakta. Es ka khafaaf karna bhe mumkin nahain hota. Maslan:
A- kilo kay zaraf main sawa kilo nahain dala ja sakta. Chothaee kilo
zaaya ho ja’ay ga.

B- Kaanch kay burtan main jo hedaat bardasht na kar sakta ho, main obbalta pani ya koee garam se’aal shay dalnay say:
1- Bartan toot ja’ay ga
2- Dali gaee shay bhe ger ja’ay gi
C- Maqeerra bartan main shay dalnay say qabal-e-estaamal hoti hai.
Maati kay oil kay bartan main dudh nahain dala ja sakta.
D- Pehlay yakh pher garam se’aal shay dalnay say barta toot ja’ay ga

Qanoon –e-qudrat hai kah kisi per os ki bardashat (Maqaara estadaad) say zeyada bojh nahain dala jata. Toor per tajalli kahay say hoee, jiss kay nateja main noqsaan howa. Ghalib nay es ka yoon ezhaar kiya hai:

Girni the hum pay baraaq-e-tajulla na toor per
Datay hain bada zaref-e-qada khar dekh kar
Aysi hi surat ka ezhar Ghalib kay es she’er main milta hai:

Hath dhoo dil say, yahhi garmi gar andaysha main hai
Aabgena, tund-e-ay sehba say pehgla ja’ay hai
Zaraff main etni bardasht nahain kah wo sehba ki tundi seh pa’ay. Aabgena kay mafaheen duryafat kartay jaein or es kay lea pehlay mafaheem raad kartay jaein to surat-e-hal kush yoon ho gi:

Zaraf, bartan, maay dalnay wala peyala, se’aal maada dalnay wala bartan,
Gunjbhra
Qovaat, taaqat, shakti, tawanae, taab
Hemmat, guraat {gin ki bardashaat gazab or sehan ki) mukhsoos hadood
main hoti hain
Napaedari ki aalamat
Aatma, zameer, batan , dil, rooh
Maay aashaq ki aalamat
Pani ki wo thayli giss main bacha hota hai. Dardoon ki shedaat say phat jati
hai or bacha deliver ho jata hai
Atam bomb, kartoos, bandooq ki goli waghera, Aat’sheen gola,jiss kay fetay
ko aag dekhaee gaee ho
Jiss main khayaal, soch fikar samaee hoee ho, Daamaagh
Black box, CLI,Aaedo kaysat, video kaysat, falopee, tava jiss main ganay
Waghera mafooz hotay hain
Aatesh feshaan pahar
Darya, somundar
Rahmat, ehsan
Darguzar, bardashaat, sabr
Band seep
Aag per rakha pani (Jo mukhsoos hedaat bardashaat karta hai)
Samaj
Samjh

AABLAH

En aabloon say paoon kay, ghabra gaya tha main
Je kush howa hai rah ko purkhar dekh kar

She’er main es ammer ki wazahat mojood hai kah “Aablay” pa’oon kay hain. Pa’oon kay aabloon kay doo vajoo ho saktay hain:

1- Sakhat gozar rasta ya masalsal safar
2- Jootay tang hona ya jootay kay chamray ka namanasab hona

“Je kush howa hai rah ko purkhar dekh kar” say zaher ho raha hai kah jootay maslah nahain hain. Safar ki bohat sari suratain ho sakti hain:
A- Kisi munzal kay hasool kay lea musalsal tag-o-doo karna
B- Tajarat kay lea safar ekhtayar karna
C- Koocha-e-Mahboob kay chakar katna
D- Elam hasal karnay kay lea safar main rehna
E- Aazadi hasal karnay kay lea bhag door karna

Gharaz safar ki bohat sari surtatain ho sakti hain taham “je kush howa hai rah ko purkhar dekh kar”say zaher ho raha hai:

1- Mosafar ko khud aazeati rahat dayti hai jaysay kharesh rahat
or lazzat dayti hai yahhi waja hai kah es maaraz ka maraz apna
Jissam sheel dayta hai lekin os kay hath nahain ruktay 2- 2- Mosafar tan aasan nahain hai, wo masa’eb say naburd aazma ho
kar rahat mehsoos kata hai:
A- masa’eb tajarbatt say hamkinar kartay hain
B- Hoslay baland kartay hain or daatay rehnay kay aadi banata hain
C- Aankh say aankh mila kar chalnay ka tareqa sekhatay hain
D- Maasa’eb otha’ay baghar aasaniaan or aasaeshain hasal
nahain ho patein

Aabloon ko dekh kar ghabrana fitri se cheez hai or en kay ma’aljay ki zorootat mehsoos hoti hai. Rasta purkhar dekh kar kush hona,fitri batt nahin. Pehloo yah nakala gaya hai kah mosebatt ko mosebatt kay rastay tala ja sakta hai. Essi tarah jiss tarah lohay ko loha katta hai.Pather kay moqablay main gulab ki qash, khuli hamaqat hai. Pather ka moqabla pather hi say mumkin hota hai.

Aabloon say yah batt wazeh ho rahi hai kah safar mosalsal jari rakha gaya hai. Yah rastah pathrelah tha lekin ab jo rastah aaya hai wo purkhar hai. Na’ay rastay ko dekh kar dil kush howa, kayoon-----?!

A- Naee qesam kay safar ka tajarba ho ga. Zindgi ka maqsaad hi tajarbay
hasal karna hai
B- Aablay aazeat daytay hain. Aabloon ka pani bahay ga to es say tukleef
main kami ho gi
C- Aablay howay hi kayoon, yah mosafar ki past hummati per dal hain
lehaza enhain saza milni chahia

Aabla kushi ki towaqqo per mosafar ka kush hona, os kay azm-e-peham ko zaher kar raha hai or yah bhe kah rah purkhar sahi aabloon say najaat kay lea safar jari rakhna ho ga.

Safar kiss qesam ka hai, es ki Ghalib nay koee neshani nahain de. Safar ki noeat ka ta’aeyan khud qari nay teh karna hai. Haan yah zaroor wa’zeh hai kah aablay safar-e-masalsal ka nateja hain na kah jutay aabloon ka sabab banay hain.

AAJ

Aaj waan taygh-o-kafan baandhay howay jata hoon
Oozar mery qatal karnay main wo ab laein gay keya

“Aaj” lamha –e- mojood ko zaher kar raha hai. Lamha-e- mojood guzray kal ki bazgusht nahain hota. Wo apni zatt main makamal hota hai or kal ki moot per taameer howa hota hai. Aaj (omuman) rang dhang or taloo-o-ghroob kay hawala say guzray kal jaysa hota hai lekin ghoor karnay per maaloom ho ga kah wo rang dhang or taloo-o-ghroob say qatee mukhtalif hota hai es lea aaj ko guzray kal ki saza-o-jaza qarar nahain deya ja sakta. Guzray kal ka apna ma’zaaj tha, apnay assool thay apna challan tha. Aaj guzray kal say zeyada tagerbakar hota hai or apni rahain khud ostawar karta hai. Aaj tukmeel ka naya aazam lay kar aata hai.

Ghalib kay haan jiss “Aaj” ka zekar howa hai wo bara hoshyar, zerak or tajerbakar hai. Her oozar kay durwazay band kar daynay per tula howa hai or her hal main tukmeel ka khahaan hai. Aaj ko deconstruct karnay say yah wazey hota hai kah yah nashaan “ab kah” kay maenoon main estamaal howa hai yaeni phelay tajarbay ki kajji per sharminda honay ki zoroorat nahain kah “aaj” nae shaan say waraad howa hai or kamyabi ka qavi emkan hai es lea guzray kal kay mokaddar, tareqa-e-kar ya natejay ko aaj say nathi nahain keya ja sakta. Haan aaj aatay kal ka tajarbah ho ga taham wo apni rahain khud say mataein karay ga. Wo apni zatt main mukhtar-e-kul ho ga. Goya aata kal aaj say payvast nahain. 17wein koshsh ko pheshli 16 koshshoon say alag rakhna ho ga. Oon ka moqaddar nakami tha jabkah 17wein kamyabi say hamkanar hoee. Tarekh nay pheshli her 16 ki tufselaat ko bhola deya, 17 ko yaad rakha. Nakami, kamyabi ki zeed hai es hawala say din ka ratt say or ratt ka din say reshta jora nahain ja sakata. En say eak dusray ki phechaan to ho sakti hai. Enhain emtayazi metter kaha ja sakta hai. Es hawala say zeddain eak dusaray say reshta rakhtay hain. Aaj ki phechaan guzra kal ya aata kal zaroor hai lekin wo eak nahain hain.

AADMI

Hia aadmi baja’ay khud ek mehshar - e - khayal
Hum anjmun samajhtay hain, khalvat hi kayoon na ho

Dunain main moaashi hawaloon say aadmi teen tabqoon main tuqseem hai:
1- Tabqa-e-bala 2- Durmeyana tabqa 3- Nechla tabqa
Mazhab nay bhe aadmi ki durja bandi ki hai. Yah tabqay ya durjay kisi na kisi wastay say teen hawaloon say murbott nazar aatay nain:
1- Zatt 2- Kaenatt 3- Khuda
Aalam-e-hayat main khuda kay doo hawalay mustaamal challay aatay hain:
A- Islami tasaver-e-khuda B- Gher Islami tasavar-e-khuda
Islami nazareay kah matabaq khuda gher maadi or gher mutshakal hai jabkah gher Islami nazareaat main khuda ko mutshakal bana kar pesh keya gaya hai. Khuda ko her koee
1- Khalaq 2- Palanhaar 3- Marnaywala pher jilanay wala
manta hai.
En tenoon hawaloon say khudda say aadmiki aalaedgi ka soch bhe nahain saktay. Aadmi ka kaenaat say nathi rehna fitri zoroorat hai. Kaenaat doo chezoon per mushtamil hai:
1- Ashya 2- Aadmi say sewa makhlooq
Ashya doo tarah ki hain;
A- Jo tsaraf main hain B- Jo tasaraf main nahain hain
Essi tarah tasaraf main ashya doo tarah ki hain:
1- Jamaad 2- Gher jamaad
Es kay burakas tasaraf say bahir ashya teen tarah ki hain:
1- Wo jo descover ho chuki hain lekin en say bherpoor or en ki kamal estadad kay
motabaq estafda nahain ho paya
2- Descover ho chuki hain lekin estaamal main nahain aa paein
3- Elam main aa chuki hain lekin descover nahain ho sakein
4- Wo jo abbi elam main nahain aa sakein

Kaenaat main aadmi kay sewa doo tarah ki mukhlooq aabad hai:
1- Ma’ree 2- Gher Ma’ree

Gher ma’ree mukhlooq say barah-e-rasatt aadmi gurra howa nahain hai lekin es say gher motaalaq bhe nahai. Aadmi ka tesra hawala (zatt) char ommr per mshtamil hai:
1- Jissam 2- Rooh (Harkat) 3- Rujhaan 4- Talaash

Sha’er main assi koe nishani mojood nahain jo she’er say motaalaq kisi mukhsoos kurray ya hadood arbay ko wazey kar sakay goya yah aadmi:

· Koee bhe ho sakta hai
· Os ka taalaq zamein kay kisi bhe hessay say ho sakta hai
· Os kay soch ka mehwar kush bhe ho sakta hai
· Os ka rujhaan tenoon hawaloon say matalaq ho sakta hai yaeni
os kay rujhaan ko mukhsoos daeroon taak mahdood nahain keya ja sakta
· Tunhaee main bhe tunha nahain hota, yah batt bhe es she’er say teh ho jati hai baqool khalefa Abdul Hakeen:
“Nafas-e-ensani ko kabhe mutlaq tuhae naseeb nahain ho sakti nafas
mutharak tasaveer ka parda hai khalvatt kay bhe kaee rang hain jaysa
aadmi ho vaysi hi os ki kalvatt.” (6)

Aadmi ka soch mutzakra teenoon hawaloon kay daeray main rehtay howay enkshafaat or emkanaat kay durwazay kholta hai. Es she’er kay aadmi ko kisi mukhsoos khetay say munsalik nahain keya ja sakta or nahi es kay soch, nazerayat or rujhanaat ko mukhsoos keya ja sakta hai.

Aadmi kay khameer main mutzaad aanasar pa’ay jatay hain es lea ashshy or burray, donoon tarah kay kamoon ki tovaqo es say ki jati hai. Es tanazar main es nishan kay mafaheem duryafatt karna hoongay. Maslan

Choor, badmaash,thaag
Aashaq, yar
Dokandar
Molazam pasha, mazdoor, jo mo’aavzay per kam karta ho
Kammi kameen, phaqeer, baykass, lachar, mujboor, hajatmand
Aadal, bayensaf
Nokar, aaqa, badshah, ghulam, khadam, mukhdoom, sahib, mosahib, hakam, makhdoom
Kanjar bhand, nacha, gaeeka, baygherat, gheratmand
Ameer, gareeb
Moqami, ghareeb
Sharabi kababi
Aabad, zahid, sheik, sualah, peer, faqeer, wali, molvi, darvash
Buzdil, bahadar, jangjo
Aalam, fazal, jahil
Sciencedaan, Hakeem, doctor, professor, moaalam, motalaam
Nakamma, laparvah, sustt, ghafal, chokanna
Kala, gora, arbi, aajmi
Rehamdil, zeeddi,zalam,bayreham, shafeeq
Apna, paraya, mashraqi, maghrabi,
Mosaver, sha’er, aadeeb
Bakhabr, baykhabr
Hamsaya, sathi, dostt, dushmun
Mahboob, balaam, maashooq
Dewana, majoon
Too,main, ham , tum, wo, yah
Waghera waghera

AARZOO

Bajay main ketni aawazain or ketni surain hoti hain, theak say koe nahain jan sakta. Bajay ko zara ertaash dain, aawazoon ka silsala shuroo ho jata hai. Bajay ko jiss andaaz, jiss maqsaad , jiss toor or jiss hawala say chalaein, aawazain day ga. Lafaz bhe bajay ki missal hotay hain. Bajay ki tarah es kay andar bayshamar mafaheem hotay hain. En teh dar teh maenoon kay jangal main os dall kay motaalaq mafhoom penhaan hota hai. Fedrik Chemberson ka kehna hai
“ Afrad ya ashya ko deay ga’ay nam maez Signs hain jabkah en kay
jalo main maeni ki teh dar teh kafeaat milti hain or jab ham tamam
maeni ka tajzea kartay hain to bilaakher haqeqi (7)
maeni taak rasae hasal kar laytay hain” (Cool
Nishan(Trace) “Aarzoo” ka taalaq ensan kay andar say hai balkah door taak es lafaz ki battni saqafat ko tatolna paray ga. Ensan ka andar (Batan) bohat say kharji-o-dakhli kurroon say pawastt hota hai. Yah manfi-o-musbat, doonoon haltoon main matvazi harkat kartay hain. Jahaan lafaz ki batni saqafat or lafaz say motaalaq darker kurray mutvazan hoon gay, wohi mudlool ka maskan kaha ja’ay ga. Taham wo aakhri mufhoon nahain ho ga. Sholz kehta hai:
“Ham koe bhe maeni matan say akhz nahain kar saktay lekin
en tamam maeni ka aahata kar saktay hain. Maeniyati kood
kay motabiq matan say maeni munsalik keay ja saktay hain.”(9)
Marozaat-e-bala kay tanazar main chand mafaheem malazah hoon:

Khahesh, tamanna, chah, moraad, matlab(10)
Talab hajatt, zoroorat (Jisam,rooh), maang
Obbal
Maarajatt ki khahesh
Khudfa’raybi
Chahat, mohabbat ka jazba
Batni sapnay, khaab
Hasool, (Kisi shay) ki tamanna
Eak ya kaee manfi-o-musbatt kurroon kay gird soch ki hurkat
Pa laynay (kisi shakhas ya shay ko) ki kahesh
Entaqami jazba, hasaad, rashaak
Shaavat, hambistari ki tamanna
Vaysa hi hasal karnay/mil ja’nay ki khahesh
Qaraaz say mukti ka khaab, hasool-e-dolaat ki tamanna
Surkharoo honay ka sapna, aazadi ki chahatt

AAZAD

Yah naaesh-e-baykafan, Assad khasta jaan ki hai
Haq maghrafat karay, aajab aazad mard tha

Nishan aazad sath kaenatoon say jura howa hai :

A- Dunya jo kisi dusari dunya say zeser-e-asar nahain
1- kisi dusari dunya ka assool-o-nazreyat apnanay per mujboor nahain
2- Kisi dusari dunya ki mukhlooq kay hukam ki paband nahain
B- Mullk
1- jiss ka apna naam-e-hayat hai
2- Kisi dusaray mullk kay tasallat or baladasti say barri hai
3- Os ka apna hadood arba or apni aabadi hai
4- Os ka apna qanoon or apni maashrat hai
5- Os ki apni zobaan hai
6- Os ki apni qomeat hai
C- Qoom, fitri-o-nasli etbar say apni shanakhat rakhti hai
D- Maashrat,Majmooee toor per apnay samaji assool,rasoom, ravaj waghra rekhti hai
E- Mazhab, ensan ki zafamandi ka khahan hai, her kisi ko yaksaan jenay ka haq dayta hai. Jabr per to ostawar nahain, gher mataalaq logoon kay lea bhe gunjaesh rekhta hai
F- Khandaan, khooni-o-nasli reshtoon kay ertabtt ka hamal hai, dusaray khandaanoon say mukhloott nahain raha
G- Zindaan,rehaee- Moqeaad reh kar bhe baez pabandoon say shoot hasal ho

She’er main en ommoor ki khuli wazaahat mojood hai:
1- Naesh-e-baykafan 2- Khasta jani 3- aajab 4- mard

Bavar rahay, her haft madarj kaenatoon say razi bar raza juray shakhas ki naesh baykafan nahain ho sakti. Baykafan naesh en say baghi ki hi ho sakti hai. Battni khafa shakhas lekin zaheri mataalaq, aadmi ki bhe nahain ho sakti.

· khasta jani es ammer ki nashan dahi kar rahi hain kah jiss ki naesh baykafan pari hai os nay kabe har nahain mani balkay lartay lartay zindgi gozari
· Aajab say zaher ho ra hai kah wo kisi kaenat main fit nahain
· Mard say wazay ho raha hai:
1- Os nay kabi assoloon per soda nahain kaya
2- Kisi khoof lalach ya dar nay os kay eradoon ko kamzoor nahain keya
3- Baast bher moqabla karta raha
* Wo aazad tha jabkah koe kaenat aazad nahain aazad or paband ka tasadam
koe gher fitri batt nahain
· Os nay paband kaenatoon kay assoloon ko qabool nahain keya jabkah os ki
aazad ravi kay sabab kaenatoon nay os say sumjhta nahain keya
· Wo kaenatoon ki aazadi kay lea pabandeoon say barser-e-phekar raha.
Kaenatain ossay apna dushmun samajte rahahain. Toot gaya (Khasta jaan) lekin surrender hona pasand na keya

She’er main nashan “Aazad” batoor-e-sefat estamal howa hai. Aazad mard, aysa mard jo apni fitrat, jabillat, anna, khoo, pasand napasand, hajatt, zoroorat rakhta hai. Os kay khalaf bardasht nahain karta. Lo doo ( Give and take) assool per yaqeen nahain rekhta. Dusri taraf yah batt bhe samnay aati hai kah kaenatain paband hain or jabr ka shaker hain. Loog jabr kay bhagidar bantay hain warna piss (Khasta jaan) jatay hain. Jab wo toot jata hai dam khoo dayta hai to os per napasandeda ka laybal cispaan kar deya jata hai. Osay os ki sazaa kam, mokaddar zayada tehraya jata hai.

AAZAR

Day mujh ko shakaet ki ejazat kah setamgar
Kush tujh ko maza bhe mery aazar main aavay

Nashan “Aazar” ki maenvi tufheem kay lea 6 hawaloon ko decode karnay ki zaroorat mehsoos hoti hai:
1- Aarza, Yah teen qesam ka ho sakta hai
a- Jissm b- dil Damaagh
Jissam ka aarza pehlay say mojood maazoori ya kisi sabab kay peda ho janay wali maazoori ko samnay lata hai. Dil ki bemari ashaq ki nashandahi karti hai jabkah damaagh ka aarza ashaq ya kisi or wajah say lahaq honay walay janoon ko saamn’ay lata hai.
2- Mosebatt, yah bhe teen tarah ki hoti hai:
a- Qudrati
b- Halaat kay tehat peda ho janay wali
c- Kisi shakas, garo ya jamaat ki wajah say oth khari ho janay wali. Arzi or
samavi bala’oon or tubdeleoon kay sabab ensani terjehaat badalte rehti hain. Samaji, seyasi,moaashi or maasherti hawala say peda honay wali mosebatain bohat say hawaloon or rovaeoon ko tubdeel kartain rehti hain. Shakhassi or grohi mosebatain 8dushmani , rashaak, hasad, raqabat, galatfehmi waghera ko jannam dayti hain.
3- Tanazzal:
1- Ensan apni asal say gir kar baywaqar ho jata hai
2- Baaz kaenati pabandaan ensani zawal ka sabab rahi hain
3- Waqat gujrnay ya zeyada kargozari kay sabab kisi khala ka peda ho jana baeed az qeass nahain
4- Koe ravish ya rujhan ensani azmat kay tanazzal ka baess ban sakta hai
4- Adam towazan , kisi gher jinss say kesi bhe waja say adam tatabqat kay baess nahamwari ki rah nikal sakti hai
5- Kharaba, sarfi ashya ya samaji reshtoon main kharabi ki koe no koe surat nikal sakti hai jabkah taalqat main wosaat peda honay ka hawala say bhe koe kamzori samnay aa sakti hai
Pehlay koe kamzori mojood hoti hai
Kaenati chakar kay zeer-e-assar fitrat main kisi manfi tubdeli ko nazar andaz nahain keya ja sakta
6- Parayshani :
Apni zatt ya kisi waja say khari ho sakti hai
Nateejatan koe parayshani lahaq ho sakti hai

Es sh’er main aazar ki tufheem kay lea doo qesam kay neshan miltay hain:
A- Koe setam dha’ay challa ja raha hai or os ko aazar ki azeaat ka ehsas nahain.
B- Setam dha’ay janay ki shakaet mojood hai lekin enshara kay rastay band hain.
Goya damagh ka aazar hai jo “Jabr” kay sabab peda howa hai. Nalay ko“Rassa bhandna” azmat-e-ensani kay tanazzal ki daleel hai. Enshara per pabandi fitrat ko tubdeel karnay ki munfi koshseh hai jo adam tawazan kay dar kholnay ka zareah ban sakti hai. Yah aazar la’yaeni nahian “Natejatan” peda howa hai

AAZADA

Bandgi main bhe wo aazada-o-khud bein hain kah ham
Ultay pher aa’ay dar-e- kabah agar wa na howa

Aazada neshan , aazad hi ka roop hai. Aazad ki wosaat main azafa kay lea neshan khud bein berha deya gaya hai. Yah bhe kah mo’aqaf ki wazahat kay lea mazhabe hawala nathi kar deya gaya hai. Muzhab kay maamalah main her koe bara ehsas hota hai. Os kay lea jan daynay ko tayar ho jata hai. Tesara nukta yah bhe samnay aata hai :
1- Jab taak kaenatain farad ko os ki jumlah sefaat kay sath qobool nahain kar
Laytein wo awaal ta aakher oon main misfit rehta hai. Farad ka wajood bara aham or muzboot hota hai lehaza kaenatoon ko ossay os ki fitrat kay motabaq qobool karna perta hai ya karna chaheay.
2- Farad kaenatoon main sansas layna chahata hai. Wo apnay or kaenatoon
main tawazan ka khahaan hota hai
3- Ehsas tareen kaenat bhe bartari kay zoaam main rehti hai to woo os kay
khalaf baghavat per uter aata hai.


Neshan aazada darhaqeqat farad kay wajood ko estehkam bakhsh raha hai. Kaenatain os kay wajood kay lea wajood pazeer hoein or onhain farad ki zoroorat, fatrat, jabillat waghera kay motabaq dhalna hai or her hawala say qanoon sazi karna hai takah farad kay lea zeyada aasaneoon kay saman peda ho sakain. Ghalib “Aazada” ki wazahat kay lea she’er kay dusaray mesray main “Ultay peher aa’ay, billatakalaf or billa taradad daraj kar rahay hain. Farad kaenatoon say dilchaspi rakhta hai. Oon ki taraf pherta hai. Oon say taalaq ostawar karnay ki koshesh karta hai. Taalaq main pehal bhe karta hai lekin response na milnay ki surat main apni zatt ki naïf samjh kar baghawat per utar aata hai. Zatt ki naïfi qobool kar laynay ki surat main apni assal say bohat door challa jata hai. Kisi kaenat main maddegham ho kar na serraf ghulam ho jata hai balkah apni enfradeat kho behtta hai. Enfaradeat say mehroomi ki surat farad, farad nahain rehta , shay ban jata hai. Shay aazad nahain hoti. Aazad or ghulam kay daeray qatae mukhtakif hotay hain. Oon ki zorooratain or hajtain bhe mukhtalif hoti hain. Darya ki hajat hai kah peyass bhojanay walay os ki janab pherain. Logoon ko pani ki zoroorat hai to wo darya ki taraf ja’ain. Yah darya kay honay per, moher-e-tasleem ho gi. Eak farsi she’er main Ghalib kehtay hain:
“ Aggar peyasa hoon or darya kenaray pohnch kar os ki lehroon
per mujhy goman guzray kah darya mujhy khushi say pani nahain
dayna chahta to main peyasa hi lot aa’oon ga” (10)

Goya darya nakhvat ka shaker howa halaankah os ka pani farad kay lea hai. Farad ka
os ki janab rajoo karna os ki azatt afzae hai. Aggar fard monh pher lay to darya ko darya koon kahay ga?!

Fard koe dusra zareah talash lay ga or apni anna ko mujroo nahain honay day ga. Fard khuddari kay mukhlif kisi qooat say kampromise nahain kar sakta. Goya aazada , tovazan, baraberi, khudmukhtari or khuddari barbaad karnay walay unasar say baghavat or enheraf kay maenoon main estaamal howa hai.

AAZURDA

Rahay os shokh say aazurda ham chanday takallaf
Takallaf bataraf tha, eak andaz-e-janoon , wo bhe

Aazurdgi kay char mehwar mosallam challay aatay hain:
A- Marzi kay khalaf kisi kaam ka mutwatar jari rehna. Es say;
1- Taalaq ki mojoodgi ki neshandahi hoti hai
2- Taalaq rakhanay ki khahesh ya zoroorat mojood hai
3- Majavza estaadad say zeyada tovaqo kar le gaee the
B- Kisi koshesh ka samarbar na hona- yaeni:
1- Danesta evzana na day kar
2- Koshesh main kami ya kisi khmi kay baess evzana
mayessar na aana
3- Koshesh ki samat darusat na honay ki waja say
C- Aadat kay khalaf ya baraakas kisi qesam ki waqoopazeri:
1- Danesta baraaqas hona
2- Kisi khala ya kharabi kay baess baraakas hona
D- Kisi ki anna ki bheent char jana. Shakas hi nahain ashya,halat
zaroorat, fitrat or tarekh ki bhe anna hoti hai. Doo annaoon main
mafamat ya tatabqat peda na honay ya tavazan kay khrab honay
kay natejah main doo annain tasadam say guzarti hain . Kamzoor
pernay wali anna ko taqatwar anna ki saleeb per musloob hona
perta hai
She’er main doo wazay esharay mojood hain jo “Aazurda” kay maenoon ko kholnay main moaavan unsar ka kam daytay hain. Neshan Takallaf:
1- Fareqain kay bahmi taalaq per roshni dal raha hai
2- Ulfat- Taalaq ka ager fitri faeda othya ja raha hai
3- Ulfat kay moqabla main ulfat kay assool ko nazarandaz keya ja raha hai
Jiss say adam-e-tavazan ki surat peda ho rahi hai
Takallaf bartaraf: takallaf ki adam mojoodgi ki surat main aazurdgi
nay janam nahain leaa tha
Aazurda(Yak turfa tarefak) ho rahay hain
1- Takallaf main hi sahi lekin aazurdgi ka ehsas peda ho challa hai
2- Taalaq rakhnay ki yak tarfa koshesh ka eshara mil raha hai
3- Yah aazurdgi taalaq kay ehsas ko taqveat bakhsh kar nafasyati
taskeen ka zareah ban rahi hai
4- Takallaf bartaraf kay hawala say motaalq kafeat ki khahesh zoor
pakar rahi hai
5- Takallaf or takallaf bar taraf kay rad-e-amal ka movazna kar
halat-e-salass ko bhetar toor per sumjha ja sakta hai

AAZMAESH

Janch pertaal, emtehan, tajurbah (12)

Takleef, dukh, pershani, ranj, bura waqat
Tazabzab
Perkh, zehni-o-fikri vesat ki parkh, khatyali, kasoti, khura,
Khota khara alag karna, maloom karna, janna
Mushkal waqat, bojh, dabao
Meaayar daryafat karnay ka zareah, sabr karnay ki haad, daryaft
Karnay ka tareqa, kisi kay motaalaq yah maloom karna kah waqat
Pernay per kam aata hai ya nahain
Dawa waghera ki kargozari maaloom kana
Kisi tubdeli ki surat main keya halat ho gi
Assar (Efficassy) maaloom kana
Gurbat main khoon sath data hai, daryaft karna
Moqaa say na’jaez faeda othta hai ya nahai, maaloon kana


Pehlay mafaheem raad katay jaea, es nashan kay na’ay mafaheem daryafat hotay jaein gay. Yah neshan bohat say kurroon say jura howa hai. Bunyadi toor per yah daryaft kay amal say wabasta hi. Tajurbagah say jura howa hai. Munfi or musbat, donoon tarah kay madlool es say wabasta hain. Atraaf ko kisi moor per nazar andaz nahain kart.

AASAAN


Baskah dushwar hai her kaam ka aasaan hona
Aadmi ko bhe mayassar nahain ensaan hona

“Aasaan” shey (6) tasavarat say jurra howa hai:

1- Billataradad maqsood mayassar aa ja’ay
2- Hasooli say malqeat taak minnat kashi kay dar band rahain
3- Maamlay main maamlay ki takmeel ka tavazan barqarar rahay
4- Khoobi kay darwazay khullay rahain
5- Takleef or dukh rafaa ho
6- Hajat say balatar kar day

En shey tasavarat Say aasaan ka madlool wazay hota hai. Tag-o-doo kay bagher kisi kaam ka hona ya os main koe dushwari na rehna, namumkinat main hai. Kaam ossi waqat aasaan ho ga jab tag-o-doo ki ja’ay gi. Yah kisi gher ensani undeceided ya na’hamvar samaj main hi mumkin ho sakta hai. Aadmi jab aadmeat (Hajat say door rahay ga) kay darjay say baland ho kar ensan honay kay sharaf say sarfaraz ho ga to wo tag-o-doo ki zoroorat or ehmeat ko pa lay ga. Goya jab tak aadmi ensan kay darjay per fa’ez nahain ho jata, aasaan kay madlool tak rasae hasal nahain ho sakti.

Aasaan kay haqeqi maeni aadmi kay ensan bannay per enhasar kartay hain. Aadmioon kay samaj main ya gher ensani samaj main “Aasan” kay maeni daryafat nahain ho saktay or na hi oon ka wazey hona mumkin hai.



AASHNA

Day wo jiss qadar zillat, ham hasi main talain gay
Baray aashna nikla, oon ka pasbaan, apna

Nashan “Aashna” panch samaji hawaloon say wabasta nazar aata hai:
1- Mahboob 2- Darbar 3- Ba’ekhtayar tabqa
4- sahib-e-ekhtayar loog 5- Sarmayadar

Her mahboob ameer ho or apnay sath masalla guard rekhta ho ya os kay darwazay per chokidar baytha rehta ho, zarori to nahain. Raqeeb batoor gard ya chokidar mojood rehta ho ya rehtay hoon to yah maamlah baead az qayass nahisan. Baqi charoon tabqoon kay maatalaq kaha ja sakta hai kah oon kay darwazay chokidaroon say aarastah rehtay hain. Barresagheer main yah charoon tabqay hamesha ba’ekhtayar rahay hain. Ghalib Deli main rehtay thay. Deli main yah charoon tabqay mojood thay. Ba’ekhtayar tabkoon kay cheloon chamtoon say aaleek saleek(Hello hi) bari ehmeyat ki hamal hoti hai. Pasban say aashnae es haqeqat ki ghamaaz hai:
1- Ba’ekhtayar tabqay taak rasae namumkinat main hoti hai
2- Es ba’ekhtayar ya sahib-e-haseat tabqay kay adna khidmat gozar maghroor, nakhvat pasand, munh phat or haad laganay ki qudrat rehtay hain
3- En tabqoon kay qareeb phatkanay waloon ko zillat ka samna karna perta hai
4- Ghalib kay samaj main shaksi aamreat the. Loog haqooq say mehroom thay
5- Dadrasi ya hajat ravi kay lea haazar honay waloon ki rahoon main karay pehray hotay hain

Darj-e-bala maroozat ki roshni main:
Aashna ka matlab saff ho jata hai. Baroon kay chamcoon say taalaq bohat bara ezaz hota hai. En ki jherkiaan or ghurkiaan bardasht karna perti hain balkah khefat matanay kay lea:
A- Soo tarah kah javab nikalay jatay hain
B- Hatdhermi or bayshermi ekhtayar karna mujbori hoti hai
C- Jherkiaan or ghurkiaan seh kar jhuti oomidoon ka sahara layna perta hai
D- Rook lagnay kay bavajood rasae ki koshesh ki jati hai
E- Hajatmand, adna malazmein say shanasae ki rah nikalnay kay lea koshaan rehtay hain
F- Ehle servat ki daant dapat ko mazaq or shagal ka naam day deaa jata hai


Hamaray haan aam toor per gali ghaloch taak ki had taak shaghal farmatay hain halaankah yah andaz ekhtayari or behlaway say zayada nahain hota. En haqaeq kay pash-e-nazar “Aashna” ka matlab sahib-e-ekhtayar ko apna samajna banta hai halaankah pasbani ka sharaf hasal honay walay ko aashna kehna khud farabi say zayada nahain hota. Os ki turjehaat daadkha ya hajatmand say qatae mukhtalif hoti hain.

AAGHOSH

Go’od,Baghal, kinaar (13)
Panahgah, thekana, jahaan sakoon mayassar aata ho
Sheh’ halashayri, sahara, kisi ki zoban bolna
Daman, darmiaan
Pahar ka daman
Jiss main sab kush (Munfi-o-musbat) sama sakta ho
Jahaan say maavanat mayassar aa sakti ho
Sath, hamrah, nazdeek, qareeb, pass hi
Dayra, baray aadmi ki aqamatgah
Waldain
Mafroor ko jahaan panah milti ya mil sakti ho
Havalaat, jai ( khuli feza main entaqaam ka shaker ho sakta ho)
Aadalat, qanoon
Whitehouse, amreki sadar or os say qurbat rakhnay walay
GHQ,PM or CM houses or en ki rehash ghahain, hakoomti ba’ekhtayar
Ohdaydaroon kay dafatar or ghr, Vozra kay dafatar or ghr, foji
Gernayloon , ofsaroon or ba’ekhtayar tabqoon kay chayloon ka
dast-e-shafqat
Mazaheb

AAG

Dil main zooq-e-wasal-o-yad-e-yar taak baqi na raha
Aag es ghr main lagi aysi kah jo tha jal gaya

Aag ka kaam jalna or jalana hai. Donoon suratoon main aasudgi say parha’az rakhti hi. Shedat essay nela pela kar dayti hai or jisay jalati hai ossay seyah-o-sofaad bana kar rakh dayti hai. Agg kay yah charoon shades (nela,pela,seyah,sofaad)Baypanah maenivaat rakhtay hain. Nela Vosaat ko, pela khoof ko, seyah zulmaat ko jabkah sofaad ammun or zindgi kay halqay vasse karta hai. Her samaj buyadi toor per en charoon Rangoon ka mazher hota hai. Agg (josh,jazba,janoon) bherkati hai to kaam main tezi aa jati hai lekin fana ka jazba her lamha taaqab main rehta hai. Manfi asrat ki surat main jankari kay dar band rehtay hain or ashya ki maenivaat parday main challi jati hai. Pher say rasaee kay lea kisi pehlay madlool per yaqeen kar layna gumrahkun hota hai. Sofaydi ki surat main aaghi balandeoon ko chunay lagti hai or wo hayat kay lea taryaq banti challi jati hai.

Aag kundan banati hai. Agg joher ogagar karnay ka zareah hai. Yah kasafatoon ko jala kar asal ko namayaan karnay ka vaselah hai. Yah “Maein” ko baqi rehnay nahain dayti. Maein ko “to” main dakhal kar dayti hai. Jab maein ko fana karti hai to, too kay lea koon sa vassal koon sa yar baqi reh jata hai. Yah tab mumkin hai jab(jo tha) sab jal ja’ay. Too khud say peyar karay ga to yah poranay nazre-e-nargaseat ko samnay la’ay ga. Lakaan es nazrea ki naïf karti hai to dar assal wahdaat kay ehsas ko wazay karta hai. Takmeel (Whdaat) ka ehsas khoof khadshay baqi rehnay nahain dayta. Baykaraan honay kay baess ashsha ya bura kay ehsas say dochar hota challa jata hai.
Ma’az mafaheem wahdat say akkae ki taraf or kush akkae say wahdat ki taraf marajaat kartay hain. yah mafaheem kurroon or kaenatoon ki aadat or atwar apnay daman main samaytay nazar aatay hain. Batoor namuna chand masalain malahzah hoon:

Aatash, jalan, tab garmi, shooq ya jazba, paraym, mohabbat, dushmani, shavat, aatshaak, peyass, dhon, eshteyaq, aafat, mosebat, khafgi, kholta howa, garam, jalta howa, mazajan garam surakh, dehkata howa, angara, nahaet garam, teaz mazaj, nahaet giraan, chapra howa, hasaad, aadavat(14)
Aatash-e-aashq (15)
Ghaezz-o-ghazab, ghusa, mazaj ki tulkhi, barhami, mood ki kharabi
Larae jhagra, fasad, qatal-o-gharat
Jabr-o-estabdad, haqooq ka ghasab hona/karna, masherti aqdar ki
pamali
Pamali
Napasandeda (mazaj, tabeat, aadat, zaroorat) towaqo, kay baraakas feal
kay khalaf raad-e-aamal, bemari, zahmat, aarza, maazori waghera kay
baess jo taklef darpesh ho
Ekhtalaf
Napasandeda feal harkat ya kargozari kay khalaf obhernay wala
ehsas
Perreshani, chenta, dukh, rang, alam
Khadsha, khoof, dar
Qehar, ghazab
Sazesh, sheryantar, fitna
Bukh, peyas,
Kudgharzi,mofad
Gharaz, hajat, zaroorat
Bukh ka nawalah
Kharabi peda hona/karna
Afwa
Mehngae, Bhao bherna, Ashya ki qillat/bhotaat, qoovat-e-khareed
girna
Shoraat ki bukh
Baghavat, enqalab
Rezaq-e-haram
Wo taqreer jo josh peda karay or halchal macha day
Chujli, mukhbari
Gher oorat, Gher oorat per nazar-e-baad dalna
hosan
Eshteaal
Eshteaal dayna
Nazar-e-baad, nazar lagna
Talh goftago, talkh kalami, karvi batt, tanzeaa asloob-e-takallam,
Nokdar guftago
Aysay manazar jin say jazbaat barak othain
Ayssi guftagoo jiss say jazbaat barak othain
Entaqam, badla, bhavna
Jawabi hamla, jiss main shedat ho
Bahami chapqalas
Oqaat say baher kar nikalna, haad main narehna, zoroorat say zayada
kharchah
Aala-e-qatal
Doo mokhlif jismoon ki entahae qurbat
Shaak, shuba
Demerit
Toofaan, selaab
Aamal-e-baad, buray karam
Baysabri, baychaini, baysokoni, bayqarari
Byzari, nafrat, karahat, haqarat
Samaan-e-tuftesh
Naz, nakhray, adaein, aakhoon kay esharay, senf-e-nazak kay wo
pooz jo jazbaat ko bherkaein
Bherkila libass
Khud farmoshi
Wo unsar jiss kay gird sath chakar/phayray mokamal karkay azdvagi reshta
teh pata ho
Bayezaati
Bani banae begarna
Hat, zaad, aralpana
Sharab, sharab waghera ki tehzi, Talvar waghera ki chamak or kaat
Havass, lalch, tamma
Aalaeshoon say pak karnay wala unsar, kundan bananay wala
Jo haet tubdeal kar day
Aasaq, janoon, soda
Tovaefkadah, tovaefkaday main janay ki ellat
Kocha-e-janaan
Mosebat, bala
Zindaan, qaed-o-band, gariftari
Zehni aazeat
Dushmun ka khoof
Sachae ka rasta, Jabr-o-zalem hakam kay samnay kalma-e-haq kehna
Asmagling, black marketing, zakhera andozi
Aash-o-eshrat
Nasha aavar ashya
Gher dari, moaamlat-e-hayat
Kopati run
Karobar main ghata, nuksan, zayaan
Bura bhala kehna, taenay menay
Razq sheen layna, qaraz, mahajan, banya
Privatization
Aarzi ohda milna
Aarzi ohdah mil kar shen jana
Taqat, aqtadar(Hosan, javani, taqat, waghera) ka nasha
Talab bherna, mazeed ki kaesh peda hona
Bay’rehmi, bay’dardi
Bay’rozgari
Bazaher khush aamad magar dil main nafrat
Buray halaat main guzarti hoe zindgi
Buray halaat main guzri zindgi
Nalaeq oolaad ka dukh
Talaaq, bayvagi
Kisi apnay ki moot, apnay ki moot ka sadmah
Kho janay ya hath say nikal janay ka gham
Hejr, faraq, mil kar bhesherna, entazar, aazmaesh
Wesaal, mullaqat
Shetani harqat, shetani eraday
Pehlay mafaheem raad kartay jaea, na’ay kurroon main na’ay maeni daryaft hotay jaein gay.

AAGHI

Aaghi dam-e-shonedan jiss qadar chahay besha’ay
Mudaa unqa hai apnay aalam - e- taqreer ka

Jannay ka aamal balandeoon say sarfaraz karta hai. Aalam-e-neshaneyat main (Signified) balandeoon ka hamal hota hai. Aam satta say oth kar tasavar vabasta karna hi aaghi hai. Mudlool somundar main rehnay wali mushli ya chand deass ka parinda hai to es kay lea somundar ki tehhoon lehroon or vosaatoon say vaqfaeat or chand deass ki fezaoon havaoon or os ki satah say maatalaq aaghi hasal karnay ki zoroorat ho gi. Zero poit per keh dayna kah falaan neshan bay’maeni ya falaan maeni rakhta hai, darustt or maaqool batt nahain. Yah kasur neshan ka nahain, aaghi ka hai. Aaghi balandi yaeni oomumi satah ya bazaher nazar aanay walay mudlool say ooper oth kar hath lagti hai. Yah mumkin hi nahain kah aaghi apni satah say nechay aa ja’ay. Nechay aa janay ki surat main aaghi, aaghi nahain rehti.

Aaghi pher say dohray janay kay aamal kay nateja main dasyab ho sakti hai. Dall (bazaher) kitna hi sadah kayoon na ho, apni zatt main daqeeq-o-omeeq hota hai. Es kay mudlool taak resae kay lea nuktarass bareek or nazak soch ki zoroorat hoti hai. Her dall ensani samaj ka namaeinda hota hai. Jab taak qari zatt say nahain othta, madool hath lagnay wala nahain. Kisi neshan ka motaaleah kartay waqat jab tak qari ki moot waqay nahain ho jati, os dall ka mutloba, khas os say mukhsoos,waqae, haqeqi or assal mudlool dekhae nahain perta. Qari ki zatt jitni bhe wosaat ekhtayar karray es neshan ka madlool mayassar nahain ho ga or nahi ossay aaghi kehna manasab ho ga.

Aaghi kay hasool ka shooq or janoon mojooda soch ko moot kay ghatt per otar kar aagay or aagay bhertay challay jana hai. Her agli kay lea pehli ki tunsekh ki zoroorat hoti hai. Dall, madlool main jab taak qari samaj ki jaroon taak nahain challa jata, aaghi say mehroom rehta hai. Sakhat shakni ka amal bar bar dohrana paray ga. Samaj her nashan ko deconstruct karta hai jiss kay natejah main madlool ka cehra badal jata hai. Mojooda tushreh kay baad nae tushreh samnay aati hai to pehli main mudaa unqa ho jata hai. Aaghi jiss qadar chahay, daam-e-aaghi bheshay tashnah hi rahi gi kayoonkah aaghi ka daerah mahdood nahain. Mahdood, mukhsoos or theray rehnay say bay’maenvat or la’yaneat hi hath lagti hai aysay main yah kehna, main janta hoon nashan say wabasta tasaverat or mafaheem say kosoon door rehnay kay mutradaf hai.

AAVARGI

Rusva’ay dahar go howay aavargi say tum
Baray tabeaatoon kay to chalaak ho ga’ay

Aavargi kin halaat main ekhtayar ki jati hai. Aavargi ka mufhoom daryafat karnay kay lea es sawal ka jawab daryafat karna paray ga:

A- Aavargi aysay gher ka fard ekhtayar karta hai jiss main
1- Bay’sokooni ho gi
2- Moaashi halaat nagufabah hoon gay
3- Shakhassi aamreaat ka door dora ho ga
4- Shakhas mutvatar nazar andaz keya jata rahay ga
5- Emtayazi salook rova rakha jata ho ga
B- Bay’rahro moashray main aavargi kay paanch javaz nazar aatay hain:
1- Bay’rozgari
2- Gharaylo nachki
3- Samaji jabr
4- Seyase tanao
5- Maal-o-dolaat ki faravani
C- Jiss society main nahaq or bayja qessam ki bandshain hoon gi
D- Jiss moaashray nay fard ko bayja qesam ki aazadi day rakhi ho gi

Ghalib kay moaashray main yah charoon ommoor thay. Loog sakoon or waqat gozari kay lea aavargi ekhtar kartay thay.
Aavargi kay bazari hawalay bhe nazarandaz nahain keay ja saktay. Bazari hawalay hoon ya koe or vajoh, logoon say pala perta hi tha. Logoon kay la’yaeni or bay’maeni wasstoon ko aavagi ka naam deaa ja sakta hai.

AAWARA

Yah neshan la’yaeneat or bay’maenivat say munsalik hai. Es ka (mumba) hasal sefar raha hai. Es ka aaghz (Starting point) hamasha maadoom rehta hai. Mukhtalif kurroon main mukhtalif hawaloon say es neshan ki survival barqarar rehti hai. Bekhraoo or entashar es ki fitrat ka hessa rehtay hain. En aanasar kay zeer-e- assar mafaheem motaean hotay rehtay hain. Maslan

Bayhuda, perrishan, kharaab-o-khasta, obash, baadchallan, shooda
Bay’gher, bay’thekana, tupriwans, jipsi
Bay’maqsad ghomanay phernay wala
Jo eak maqam per aqamat ekhtayar na karay. Bar bar karaia ka makan badalnay wala, eak jagah per na teknay wala, saeer sapatay ka shoqeen
Kanwara, shadi shuda lekin ortoon say taalaqat ostawar karta rehta ho, therki, jiss ka kerdar ashsha na ho, larkioon kay peshay phernay wala, ortoon ka shoqeen, aashaq, aashaq tabaa
Jiss ka koe khasam saein na ho
Baykar,nakamma, jiss ko koe kaam kaj karnay ki aadat na ho
Bay’roozgar
Gashti, fahshah, Payshawar oorat, oortoon say dhanda karwanay wali/wala, khavand kay elava mardoon say taalaq rekhnay wali
Bay’terteeb, bekhra howa
La’perwah,
Jo apni seat per na milta ho
Baadmaash, ghunda, movali, juram paysha, choor ochka
Mehwar say door/baher ho janay wala, jiss ka koe mubda na ho, control say baher,jo dastarass main na raha ho
Ratt ko bilawaja dayer say gher aanay wala
Jiss ki zaroorat rehti ho lekin dustyab na hota ho
Jo kunbay ki hefazatt or kafalat na karta ho, jo kamae kha pe ja’ay
Jowari, sharabi, zani
Hamdardeaan badalnay wala, ostawar na rehta ho, na maaloom kab mukar ja’ay
Lota, parteaan tabdeal karta rehta ho, jahaan zayada churi ki ofer ho , other pher janay wala

AAENA

Bara aam or kasrat say estamal honay wala lafaz (Trace) hai. Zayada’tar gher,haqeqi maenoon main estamal main hota aaya hai. Es ki (Madi) khobi yah kah her kisi ka ho jata hai, ostawar nahain rehta, jo samnay aata hai ossi ka ho jata hai. Madi or gher’madi ko eak nazar say dekhta hai. Nazar aa’ay kay motabaq nateja pesh karta hai.

Aaena deakh apna sa monh lay kay reh ga’ay
Sahib ko dil na daynay per kitna gharoor tha

Aaena haqeqat ka ghamaz hota hai. Juhot kehna es ki fitrat main nahain. Jo dekhta hai keh dayta hai. Wo aysa kayoon karta hai, zamanay ka chalan kayoon ekhtayar nahain karta. Keya yah omumi rujhan say khulli baghavat nahain hai. Karva kasila koon sunta hai. Yah wo sawal hain jin “ Ki kargozari” kay raad-e-amal main samnay aatay hain. Aaenay ko zameer moraad lain to zulam ko zulam hi kehna paray ga. Sach Hoor ko Hussain(AS) kay satheoon main lay aaya. Aaena zamanay kay challan ka sath nahain day sakata.

Aaenay kay samnay aatay hi her jabar dhela per jata hai. Wo haqeqat ko agercheh kush na kush janta hota hai, aaenay kay samnay aastay hi kush na khsh akkae kay khanay say nikal kar wahdat ka hessa ban jata hai. Es moqam per aaena dekhnay wala aryal or zeedi ban ja’ay to yah me’az hatdhermi ho gi. Dusara yah zaruri to nahain zoban chehray ki aakas ho. Aamooman zoban kush kehti hai chehray ka kaha kush or hota. Es tazaad ko aaena wahdat ki shakal ata karta hai. Zoban or chehray kay mukhtalif bayanaat say moamlah saaf nahain hota. Jab aaena tazad kholta hai to doonoon main say eak ko haar manna perti hai or dusaray may madaygam hona perta hai.

Hosan per naz karnay walay ko aaena bata data hai kah haqeqat main wo keya or ketna hoseen hai. Kehnay wala jab kehta hai ya dekhnay wala jab dekhta hai to os ki moot waqay ho jati hai. Kaje say aari aaena bata dayta hai kah wo haqeqat main keya or ketna hoseen hai. Jab ham dekhtay hain basaraat or saamat per aakal yaqeen kar layti hai lekin dil nahain maan raha hota. Dekhnay or sunnay kay baad aakal kehti hai kah os say qatal howa. Dil kehta hai os say qattal nahain howa. Aakal kay pass samaae-o-basri tasaveer hoti hain jabkah dil kay pass qatal ki fitrat ki tasveer hoti hai. Apni jaga donoon (Aakal or Dil) ko aaenay ka darga hasal hai. Goya eak dall kay doo mudlool samnay aanay say hi haqeqi qatal ka chehra samnay aa sakay ga. Yah bar bar pher say jhanknay or dekhnay kay amal (Process) ka naam hai.

Aaena dekhnay say pehlay moaamla wazay na tha jabkah aaena dekhnay kay baad wazay ho gaya kah jo gomaan keya gaya galat or bay’bunyad tha. Dekhnay wala aaenay main eak bar nahain, bar bar dekhta hai. Dekhnay say pehlay aaena saaf karta hai or pher zaveay badal badal kar dekhta hai. Her zaveay say dekhnay ko note karta hai. En ki jama tufreeq kay baad hi madlool ka taeyan karta hai. Bar bar or zaveay badaltay waqat wo mar chukka hota hai wo ensani samaj ki aankh say dekh raha hota hai. Dekhtay or note kartay samay wo eak wahdat ka hessa hota hai. Es lea batoor wahdat zinda hota hai. Aaena dekhnay ka aamal jitna omeeq ho ga otna hi motabar ho ga.

Chand mafaheem mafaheem malahza hoon:
Monh dehknay ka shesha, darpan, Heran, shashdar, Roshan, zahar, saaf, ujla(16)
Dil (17)
Ayaan or wazay karnay wala, kholnay wala,saaf saaf keh daynay wala
Zameer, batan
Nakal motabaq assal
Photocopy machine, satenshal machine
Karban paper
Jo akass ko moaakass karta ho
Aankh
Hoo ba hoo waysa hi (Jaysa wo hai) pesh karnay wala
Kemra, phalope, tv, desh, caybal
Assal haqeqat kay ezhar ka zarea
Jo assal zaher kar dayta ho
Bay’baak, nadar, khara, sacha,



ASSAR

Ke ham nafasoon nay assar-e-girya pay taqreer
Ashshay rahay aap es say, magar mujh ko dabo aa’ay

Assar ka taalaq “pherna” say hai. Jab yah kaha ja’ay ga “Meri batt nay assar dekhaya” to es ka matlab yah ho ga kah sunnay wala zehni toor per pehli halat per na raha. Os ka rovaya pehlay say mojood kay mokhalif pher gaya. Assar tabdeli aa ganay ya la’ay janay ka naam hai. Assar kargar honay ki surat main mazaaj or mood badal jata hai. Mazaaj rovaoon main tabdeli lata hai. Ravaoon per turz-e-amal ostawar hota hai. Turz-e-amal main tabdeli say nishan ka mudlool badal jata hai. Goya assar kay hawala say obhernay wala tasaver hi badal kar rekh dayta hai. Dosti dushmani main or dushmani dosti ki taraf pher jati hai ya pher say phernay kay halaat peda ho jatay hain. Maslan maraz main davae de gae aafaqa ho gaya. Yah davae ka assar ho gaya. Assar ulta bhe ho sakta hai. Es ultay ki kae suratain ho sakti hai. Maslan
1- dava mazaaj say mail na khati the es lea assar ulta howa
2- Dawa mazaaj kay motabaq the magar khali payet de gae es lea assar ulta howa
3- Dava mazaaj kay motabaq the magar khali payet dayna the bherray payet de gae
4- Assal kompni ki baja’ay matbadal kompni ki de gaer
5- Dava to wohi the magr zaed-ul-mead the
6- Dava to wohi the magar moqarra tadaad/miqdar say zeyada de gae
7- Dava to wohi the lekin es say pehlay koe or dava dayna the
8- Dava to wohi the lekin qabal az waqat de gae
9- Dava nay musbat ya munfi, kisi qessam ka assar nahain dekhya
Gharaz es qessam ki or bohat sari suratain ho sakti hain. Her surat ka madlool alag say ho ga. Yah to teh hai kah dava nay assar dekhya. Assar ulta hi sahi. Es nashan say mataalaq eak tasaver zaroor samay aa’ay ga. Dava say mataalaq doo batain teh ho gaein:

A- Dava danay say pehlay dava say mataalaq eak tasaver zaroor mojood tha.
B- Dava danay kay baad, os tasaver ki terdeed ya tasdeeq ho jati hai
Dava daynay kay baad dava ka madlool manfi ya musbat main bat gata hai.

Kehnay say pehlay ommeed hoti hai kah kaha rang la’ay ga. Kehnay kay kahay ka mudlool samnay aata hai.agar es neshan ko mazeed deconstruct kartay hain to yah dekhna paray gal kah dava daynay walay ki neeat keya the mood kaysa tha. Neak neaati or acshay mood ki surat main kotahi ki gungaesh kam hoti hai. Baad neeati or buray mood ki surat main dava ka ulta assar hona fitri se batt hai. Es kay bavajood neak neeati main assar-e-baad or baad neeati main assar-e-kher nazar andaz nahain keya ja sakta. Bunyadi toor per teh yah karna hota hai neshan assar ka koe na koe mudlool samnay aana hi tha. Assar taak rasae, sakhtyati motaleaa hai. Kush bhe assar na honay ki surat main es’say dava ka mudlool kaha ja’ay ga. Assar na hona maemlay ko agay berhanay ka amal hai.

Kehnay, sunnay ya daynay kay musbat ya munfi nataej na milnay ki surat main es bay’nateja kaam ko keaa naam deaa ja’ay ga? Keaa as’say assar naam deaa ja sakay ga? Yah mamalah bara ehsas noeat ka hai. Es mamahy ko eak masal say wazay karnay ki koshesh karta hoon. Kisi ko dushmani kay silsalay may sumjhaya jata hai. Wo nahain sumjhta os kay zehhan ki pehli halat barqarar rehti hai to bhe yah dava ka mudlool ho ga kah kis qessam or kis tarah say kaha geaa, by’voqaat ho ga.

Humnafass ba’zaher dost hain or hamderdi dekhatay howay doo fareqoon ki ranjush khatam karnay kay lea khafa fareeq say kush kehtay suntay hain. En kay kahay ka assar ulta howa. “Aap asheshy rahay” Say zaher hota hai:
A- Sullah ki koshesh karkay neaaknami kama le
B- Wazey ho geaa ab dushmani dosti main na badal sakay gi
“ Mujh ko dabo aa’ay’ es ammer ka ghamaaz hai kah mamlah khatarnak haad taak beggar gaya hai. Aap asheshy rahay” ka mufhoom yah bhe banta hai kah oon ki khahesh bhe yahhi the. Chonacheh assar ka mudlool essi zaveaa say teh karna ho ga. Essi tarah dil ka ahwal khulnay ka taalaq os kay kholay janay per hai. Jab taak yah maloom nahain perta kah kiss tarah say kaha sunna geya, assar ka mudlool teh na ho pa’ay ga

Es nashan kay donoon serray amal or raad-e-amal say juray howay hain. Amal kisi farad ki mansha or zoroorat ka ghamaaz nahain hota kayoonkah her amal unginnat kurroon say wabasta hota hai. Yahhi surat-e-hal raad-e-amal kay sath darpesh hoti hai. Es batt ko mose’er ki zoban main yoon kaha ja sakta hai:
“ Dall or mudlool mil kar eak nishan banatay hain. Bolay howay alfaz ki
rowaeat lekhay howay lafaz say bohat pehlay ki hai” (1Cool

Nishan assar ko deode karnay kay lea amal or raad-e-amal kay mutwazi chalna ho ga.Chand masalain malahzah hoon:
Sunnat-e-nabvi hadees ki qesmoon main eak qesam taseer , nashan, zakham ka neshan, khandar, khoj nateja, faeda(19). halaat mutvaqo, hungami,(zamini-o-samae), havadass, ma’aashi, samaji, maasherti, ashya,, dava khoraak, nashah aavar, mukhtalif aamerja ka pani, seem thoor, badal, baresh, zameen, aasmani bijli, bundooq, tulwar, zera, dhal, barood, dhaat waghera.
Bool: Aavaz, taqreer, khatabat, guftagoo (talkh ho kah shereen), galeaan davaein, baad davaein, jadoo mantar, Aasmani kitaboon ki talavat waghera
Jazbay: Mohabbat, nafrat, hasaad, rashaak, ghussa, khushi, ghami, kadsha, shubbah, tazabzab, herani waghera
Mosaam: Khushaak, bahaar, khezaan, barsaat, garma, sarma waghera
Dukh,such, aameri garebi, dhess perdhess
Mavrae qoovatain: Jin, bhoot, pari waghera
Karguzari: Aas ommed, tovaqoo, nateja, faeda, nuqsan, bay’samar, la’yani,yaqeeni, adhura, khushboo, baddboo
Arba aanasar: Thoss, maya, gass, para waghera
Arzaan: Sasta(20), kam qemaat, bay’qadar(21), qadar-o-qemaat main bay’haqeqaat(22), bay’wazan(23)
Bila’mazahmat, bila’heel-o-hujjat, bila’daleel, kahay bagher, apna moaq’qaf pesh kea bagher, meh’naat zayada faeda kam, faeda zeyada mehnaat kam, fori, kam qemaat, bila’ zaroorat, bay’qemaat
Kamina ghatya, nakamma, kamzoor, bay’woqqat, ba’haseaat
Ghermushroot
Jo aasani say mayassar aa ja’ay, jiss kay lea mehnat or mashqat na karna paray
Baadnami ka baess, jiss ki waja say ejjat main kami waqqay ho
Wafar, kafi, zeyada, bohaat
Jiss ki qillat ho
Jiss ki maang na ho, talab kam hona, talab girna
Talab bherna

OTHA

Dil say otha lataf jalwa ha’ay maeni
Gher-e-gul aaena – e - bahar nahain
Nishan “Otha” say doo tasavar wabasta hain:
!- Othna 2- Othana
Yah donoon mutzad aavamal kay hamal hain. “Othna” ki surat main musbat jabkah “otha” musbat or musbat mafaheem samnay aatay hain. Aagha Baqar or Nishtar Jalandheri nay otha ko musbat maenoon main lea hai (24) jabkah Malik Anaeat Ullah nay otha ko munfi maenoon main leaa hai. (25). Yah neshan kisi bhe satah say ooper karnay kay maeni samanay lata hai. Taham ooper karna apnay andar eak tasaver nahain rekhta. Haqeqi mudlool to tavazan per hi mayassar aa sakta hai.

Neshan “Ohta” apni halat say aaga aanay ko wazey karta hai. Koe marr jata hai to kaha jata hai wo jahan say oth ga yaeni ab wo jahan main nahain raha ya wo jiss halat per tha ab os halat per nahain raha. Ya pher es jumlay per ghoor farmaein “ main nay bahar ka lutaf othaya” yaeni pehlay lutaf nahain tha bahar say sha’oori toor per lutaf otaya gaya. Es jumlay per bhe ghoor kar lain “mera es moaamlay say dil hi oth gaya” yaeni pehlay dil lagta tha ab nahain lagta. Her derj-e-bala suratain markazay say aagay bhernay say taalaq rekhti hain.

Es she’er kay pehlay mesray ki doo qeratain sharayhain-e-ghalib kay haan milti hain:
A- Dil say lutaf otha, yaeni puri towjo, dil jaami or bherpoor malavass ho kar lutaf otha
B- Dil say otha, lutaf yaeni lutaf nahain raha. Es qeraat kay munfi maeni samajh main
Aatay hain
Dusray misray main gher ki naïf ki gaee hai. Shaak vasvasay ya gher ko malavass karnay say lutaf nahain mil sakta. Kisi maamlay ko bherpoor towajo say hi samjha ja sakta hai verna wo maamla samjh main nahain aa sakay ga.Essi tarah tazabzab maamlay ko samajnay nahain day ga. Otha ki sakhat ko deconstruct karain, Otha ko hasal karnay kay maeni dayna bhe galat na hoon gay. Maamlaat ki tasdeeq-o-tardeed ya oon kay mafaheem ki hasuli ka kaam dil kay hawala say karna manasab ho ga.

Dusri taraf qalbi feysalaoon kay mataalaq aaqal kaya kehti hai. Halaat-o-waqeaat kaya keh rahay hain. Shahadatain kaya kehti hain. En ommar ka taalaq dil say nahain . Aaqal bhatakti hai. Eak nuqtay per nahain teherti jabkah dil kisi eak nuqtay ko tasaver-e-shey qarar day dayta hai. Kisi dall ka koe na koe mudlool qarar pana ammar-e-vaqea hai. Essi lea kaha gaya hai “Dil say lutaf otha” kah qarar ki surat peda ho or koe na koe nateja akhaz keya ja skay. En esharoon ki roshni main otha ka koe to mudlool qarar dayna paray ga verna gher modakhalatkar rahain gay or lutaf ki halat wazey na ho sakay gi

ETHER BHE

Ay per tavay khursheed -e- jahan taab
Sa’ay ki tarah hum pay aajab waqat para hai

Ether, doo ya doo say zeyada suratoon main say eak ki taraf esharay ka neshan hai. Ether apni zatt kay lea jabkah oother apnay say elava kay lea. Donoon ki noeat eak se ho sakti hai. Kush bhe sahi, Yah doo vajood alag say thertay hain or doo fareeq qarar patay hain. Her doo kay sath lahaqa zaher kar raha hai kah ether mayasser nahain hai jabkah oother mayassar hai. Ether bhe kah kar estehqaq jatlana maqsood hai. Oother ki naïfi karna maqsad nahain. Oother mayassar hai to mayassar rahay, es per koe etraaz nahain taham yaktarfa aanaeet per etraaz zaroor hai. Aggar oother estahaqaq rekhta hai to ether esthaqaq say baher nahain. Estahaqaq ko seraf-e-nazar karna zullam or aadal ki tazleel kay zumray main aata hai. Es say tovazan main khalal aanay ka ehtamaal hota hai. Baantnay walay kay haan agar tafreeq-o-emteaaz ki surat peda ho ja’ay gi to etmaad na rahay ga. “Bhe” ka estamaal yahhi zaher kar raha hai kah oother kay lea to sab kush hai ether kay lea kush bhe nahain. Oother ka kush bhe moaaqaf ho, baantnay walay ka yah faaraz banta hai kah wo estahaqaq ka jaeza karay . Aggar estahaqaq banta hai to mehroom na rakhay.

She’er main neshan ‘Per tavay” say zaher ho raha hai kah kasur kursheed ka nahain balkah:
A- Baantnay wala koe or hai or janabdari say kaam lay raha hai
B- Khursheed say nikalnay wali shaaein makhsoos atraaf ki taraf bher rahi hain.

Donoon hawaloon say bazaher kasur kursheed ka nahain banta, wo to sab kay lea hai. Dakhna yah hai kah os nay zimma jiss ko day rakha hai ya jo os ka per tuo hai, bharosay ka nahain. Kursheed es janabdari say bay’khabar hai ya pher faez, faez walay kay hath main nahain raha. Seraf naam os ka hai, bant ki qudrat ossay mayassar nahain. Aggar aysa hai to “Bhe” ka lahqa galat estamaal main aaya hai. Khullay janabdar(Per tuo) say shaqaeat ka koe joaaz nahain nikalta.

Pehli surat main kursheed ba’ekhteaar hai es lea shakaeat la’yaeni nahain lagti. Wo baantnay walay(Per tuo) ko dantt pala sakta hai ya pher bantt ki shakti salab kar sakta hai. Kursheed kay lea, donoon atraaf barabar hain.

“Per tuo” Mahboob kay lea bara la’javaab esteaara hai. “Per Tuo” ki apni heiseat mosallam sahi lekin mubda(Khursheed) ki heiseat apni jaga qaqeem bilzatt rehti hai.
Es say ensalak ki surat main “per tuo” hai verna os ki heiseat la’yaeni ho kar rah ja’ay gi.

OSTAVAAR

Muzboot
Mohkam, pa’aydar’ mustahkam(26)
Jo alag na ho sakay, jurra howa, nathi, pevast, alhaaq shuda, attot ang, juzvayla yanfak, jo motaalaq ho chukka ho, hamrah, sath
Mustaqel, registered, tasleem shuda, musalmah, mustanad, confirm
Jo alag na keya ja sakay, zati shanakhat say mehroom, marhun-e-minnat
Nekah, aaqad, shareek-e-hayat
Langoteaa
Pukhta, aatal
Ba’qaeda, ba’zabta, waqae, bay’la
Parti member, member Assambli
Jiss ko chelang na keya ja sakay
Saanjh jo ba’khushi ya majborun nebhana paray maslan makaan ki devar jesay donoon paroseoon nay mil kar tamer keya ho
Jo alag say ho kar juzvay lazam ho jay’say chatri ka dasta

AFSURDGI

Afsurdgi nahain tarab -e- ensha -e- eltafat
Haan, daraad ban kay dil main ja karay koe

Afsurdgi, mood ki eak kefeat ka naaam hai or yah manfi halat say ebarat hai. Sukh qaeem bilzatt nahain. Jab soukh ki halat khatam hoti hai to afsurdgi par pehla layti hai. Socha jata hai kaash sukh kay lumhay daemi hotay. Aysi halat main afsurda hona fitri se batt hai. Ghalib bara aajeeb hai os nay sukh kay sath dukh ko rekh deaa hai. Daraad mustaqel rehnay wali cheez hai. Kisi ka daraad bhe lutaf dayta hai. Es noeat ka daraad qaeem bilzatt ho to yah eltfat kehla’ay ga. Es eltafat main nashaat mukhfi hai.

Es neshan ka dusra parat nekale’ay to yah batt wazay ho gi kah afsurdgi aasaab shekni ka sabab banti hai jiss say kush kar guzarna ki salahetain matasar hoti hain. Dusri taraf yah ammer bhe nazar andaz nahain keya ja sakta kah daraad alert rakhta hai. Daraad ki halat “harkat” main aazafay ka mujab banti hai. Pehli surat main mausi to dusri surat main ommeed jag uthti hai. Tessara pert nakaleay, afsurdgi sakoot ka naam hai jabkah daraad harkat say ebaratt hai. Chotha pert batata hai kah afsurdgi main pehlao hota hai lekin daraad kay hawala say mehdood rehta hai. Panchvaan pert othaein , afsurdgi ka hassal sefar hai jabkah daraad ka hassal sefar nahain. Shata pert hatanay say maaloom hota hai kah afsurdgi tahi daman hoti hai lekin daraad ka daman khali nahain hota. Goya afsurdgi ka tehshuda ya hatmi mudlool mojood nahain. Afsurdgi nahi say wabasta hai es say koe mufrooza wabasta karkay planning ki ja sakti hi taham os mafroozay kay hawala say os ki haqeqi qadar ka taeyan keya ja sakta hai.

AGLA WAQAT

Aglay waqatoon kay hain yah loog enhain kush na kaho
Jo me’ay -o- nagma ko andoh -e- raba kehtay hain

“Agla waqat” ko guzray waqat kay maenoon main lea jata hai. Guzra waqat , mojooda waqat say zayada taraqqi yafta nahain hota. Aglay waqat kay lea nazarreyat main tubdeli aa jati hai. Essay boseda khasta or ghalat qarar deya jata hai. Aaj kay lea agla waqat mar chucka hota hai. Yah sab darussat sahi, lekin agla waqat, mojooda waqat kay lea eak tajarba zaroor hota hai. Guzray waqat kay loog, halaat, maamelaat or havadass eak mufrooza hi to hain. Es neshan kay pass-e- sakhat yah haqeqat khari hai kah agla waqat es lea galat hai kah wo apni puri haqeqat kay sath khul gaya hai kah wo galat kayoon hai.

Loog guzray waqat ko kayoon yaad kartay hain. Es lea kah oon ki os kay sath jazbati

_________________
iushah
Sat Sep 15, 2007 7:31 pm View user's profile Send private message
sahiba
Full PK Member
Full PK Member


Joined: 03 Mar 2007
Posts: 239

Reply with quote
Buhat achi tehrir hey.
Sun Sep 16, 2007 2:25 pm View user's profile Send private message
ali
Senior Member Pakistani
Senior Member Pakistani


Joined: 24 May 2007
Posts: 998
Location: New York

Reply with quote
Buhat khoob janab.
Sun Sep 16, 2007 4:29 pm View user's profile Send private message
Dr Maqsood Hasni
Senior Proud Pakistani
Senior Proud Pakistani


Joined: 09 Jun 2007
Posts: 1094
Location: punjab

nishanyaat-e-ghalib kay ------------ Reply with quote
aap donoon dostoon ki bari bari meharbani.
Allah aap donoon ko kush rakhy

_________________
iushah
Sun Sep 16, 2007 10:24 pm View user's profile Send private message
Display posts from previous:    
Reply to topic    Forum Pakistan - Pakistani Forums Home » Urdu Adab All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2

Copyright © ForumPakistan.com.pk 2017 All rights reserved.

Contact Us | Advertise | Report Abuse | FP Team | Disclaimer