Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

ForumPakistan.com

Bookmark site!


Mareez ki iyadat krnai kai lai fazail-o-adab


Bookmark and Share
 
Reply to topic    Forum Pakistan - Pakistani Forums Home » Islam Forum
Mareez ki iyadat krnai kai lai fazail-o-adab
Author Message
Imama Nadeem
Senior Proud Pakistani
Senior Proud Pakistani


Joined: 10 Jun 2016
Posts: 1562

Mareez ki iyadat krnai kai lai fazail-o-adab
Mareez ki iyadat krnai kai lai fazail-o-adab
مریض کی عیادت کرنے کے فضائل و آداب
تندرستی اور بیماری دونوں اﷲ تعالیٰ ہی کی طرف سے انسان پر آتی ہیں ، اور یہ دونوں چیزیں بندۂ مؤمن کے لئے اﷲ تعالیٰ کی طرف سے ایک قسم کا امتحان ہوتی ہیں ۔ انسان جب صحت اور تندرستی کی زندگی گزارتے گزارتے اﷲ تعالیٰ کی یاد سے غافل ہوجاتا ہے تو فوراً اﷲ تعالیٰ اس پر بیماری لاکر اسے اپنی طرف متوجہ کرتے ہیں، اسے اپنے قریب کرتے ہیں اور پھر اس کے گناہوں کو اس کی نیکیوں میں بدل دیتے ہیں، تاکہ وہ اﷲ تعالیٰ کی یاد سے زیادہ غافل نہ ہونے پائے اور اسی کی ذات اور یاد میں ہمہ تن مصروف اور مگن رہے ۔

اس میں شک نہیں کہ بندۂ مؤمن کے لئے صحت و تندرستی اور ہاری و بیماری دونوں ہی اﷲ تعالیٰ کی طرف سے ابتلاء ا رو آزمائش کی چیزیں ہیں، جن سے اﷲ تعالیٰ اپنے مؤمن بندے کے ایمان کا امتحان لیتا ہے کہ آیا میرا یہ مؤمن بندہ صرف صحت و تندرستی ہی میں میرا نام لیتا ہے یا ہاری و بیماری میں بھی مجھے یاد کرتا ہے؟ ۔ اگر بندۂ مؤمن صحت و تندرستی کی طرح ہاری و بیماری میں بھی اﷲ تعالیٰ کو یاد رکھتا ہے تو سمجھ لینا چاہئے کہ ایسا مؤمن بندہ اپنے رب کے امتحان میں کامیاب اور بامراد ہوگیا ہے اور اگر وہ صحت و تندرستی میں تو اﷲ تعالیٰ کا نام لیتا تھا لیکن ہاری و بیماری میں گھبرا گیا ہے اور اﷲ تعالیٰ کی یاد سے غافل ہوگیا ہے تو سمجھ لینا چاہئے کہ یہ بندہ ٔ مؤمن اپنے رب کے امتحان میں ناکام اور نامراد ہوگیا ہے۔اور اس کے لئے یہ بیماری اﷲ تعالیٰ کا امتحان نہیں بلکہ اس کا وبالِ جان بن کر رہ گئی ہے ۔ اس لئے صحت ہو یا بیماری ، خوشی ہویا غمی ، مشکل ہو یا آسانی ہر حال میں اپنے کریم رب کا شکر ادا کرنا چاہئے اور لمحہ بھر میں اس کی یاد سے تغافل نہیں برتنا چاہئے۔

اس کے ساتھ اﷲ تعالیٰ نے اپنے مریض بندے کو تنہا نہیں چھوڑا بلکہ اس کی بیمار پرسی اور عیادت کرنے، اس کو خوشی و مسرت دلانے اور اس کی حوصلہ افزائی کرنے کو اس کے دوسرے مسلمان بھائیوں پر اس کا ایک لازمی حق ٹھہرا دیا ہے۔ چنانچہ حدیث شریف میں آتا ہے ، نبی کریم ؐ نے ارشاد فرمایا کہ: ایک مسلمان کے دوسرے مسلمان پر پانچ حق ہیں : (۱) سلام کا جواب دینا ۔ (۲) مریض کی مزاج پرسی کرنا ۔ (۳) جنازہ کے ساتھ جانا ۔ (۴) اس کی دعوت قبول کرنا ۔ (۵) اس کی چھینک کا جواب دینا۔

حضرت ابو سعید خدریؓ سے مروی ہے کہ نبی پاکؐ نے ارشاد فرمایا : ’’ مریضوں کی عیادت کیا کرو اور جنازے میں شرکت کیا کرو کہ چیزیں تم کو آخرت کی یاد دلائیں گی۔‘‘

حضور اکرم ؐ کا ارشاد ہے کہ : ’’ جس نے اپنے (مسلمان) بھائی کی عیادت کی وہ ’’عرفۂ جنت‘‘ (جنت کے ایک خاص مقام کا نام ہے۔) میں ہوگا ۔ حضرت جابر بن عبد اﷲ ؓ کہتے ہیں کہ میں نے رسول اﷲ ؐ کو یہ فرماتے ہوئے سنا کہ : ’’ جس شخص نے کسی مریض کی عیادت کی اس نے ( اﷲ تعالیٰ کی ) رحمت میں غوطہ لگایا اور جب وہ بیٹھ گیا تو اس نے ( اﷲ تعالیٰ کی ) رحمت میں جگہ بنالی۔‘‘

حضرت ابو ہریرۃؓ سے روایت ہے کہ ( ایک مرتبہ ) رسول اﷲ ؐ نے ( اپنے صحابہؓ سے) پوچھا کہ : ’’ آج تم میں سے کس کس نے روزہ رکھا ؟ ۔ حضرت ابوبکرؓ نے عرض کیا : ’’( یا رسول اﷲؐ! )میں نے رکھا ہے ۔‘‘ آپؐ نے دوبارہ پوچھا : ’’ آج تم میں سے کس کس نے مریض کی عیادت کی ہے ؟۔ ‘‘ حضرت ابوبکر ؓ نے عرض کیا : ’’( یا رسول اﷲؐ! )میں نے کی ہے ۔‘‘ آپؐ نے سہ بارہ پوچھا : ’’آج تم میں سے کس کس نے جنازے میں شرکت کی ہے؟۔‘‘ حضرت ابوبکر ؓ نے عرض کیا : ’’ (یا رسول اﷲؐ!) میں نے کی ہے ۔‘‘ آپؐ نے چوتھی بار پوچھا : ’’ آج تم میں سے کس کس نے مسکین کو کھانا کھلایا ہے ؟۔‘‘ حضرت ابوبکرؓ نے عرض کیا : ’’( یا رسول اﷲؐ!) میں نے کھلایا ہے ۔‘‘ مروان بن معاویہؓ فرماتے ہیں کہ مجھے معلوم ہوا ہے کہ رسول اﷲ ؐ نے فرمایا کہ : ’’ جب کسی شخص میں ایک ہی میں دن یہ سب خصلتیں جمع ہوجائیں گی تو وہ ضرور جنت میں داخل ہوگا۔‘‘

حضرت جابر بن عبد اﷲ ؓ فرماتے ہیں کہ : ’’ ایک مرتبہ میں بیمار ہوگیا ، نبی اکرمؐ اور حضرت ابوبکر صدیق ؓ میری عیادت کرنے کے لئے تشریف لائے ، اس وقت مجھ پر غشی طاری تھی ، نبی اکرمؐ نے وضو فرمایا اور اپنے وضو کے بچے ہوئے پانی کے مجھ پر چھینٹے مارے تو مجھے ہوش آگیا ، میں نے دیکھا کہ نبی پاکؐ تشریف فرما ہیں ۔

یاد رہے کہ جہاں بیمار بندۂ مؤمن اور مسلمان کی عیادت کرنا سنت ہے تو وہیں کافر ا ور مشرک بیمار شخص کی عیادت اور اس کی مزاج پرسی کرنا بھی ہمارے پیارے نبی ؐ کی سنت ہے ۔ چنانچہ حضرت انسؓ سے مروی ہے کہ ایک یہودی نوجوان رسول اﷲ ؐ کی خدمت کرتا تھا ، ایک مرتبہ وہ بیمار ہوگیا ۔ اور رسول اﷲ ؐ اس کی عیادت کرنے تشریف لے گئے ، آپؐ اس کے سرہانے کی طرف جاکر بیٹھے اور اس سے فرمایا کہ: ’’ (بیٹا) تم مسلمان ہوجاؤ!۔‘‘ وہ یہودی نوجوان اپنے باپ کی طرف دیکھنے لگا جو اس کے سرہانے کے قریب ہی اس کے پاس کھڑا تھا ۔ باپ نے کہا : ’’ ابوالقاسم (حضور پاکؐ) کا کہنا مان لو! چنانچہ اس یہودی نوجوان لڑکے نے آپؐ کا کہنا مان لیا اور فوراً مسلمان ہوگیا۔ آپؐ اس کے پاس سے یہ فرماتے ہوئے اٹھے کہ : ’’ شکر ہے اس ذات کا کہ جس نے اسے جہنم (کی آگ) سے نجات عطا فرمائی۔‘‘

مریض مرد کی عیادت عورت کرسکتی ہے ۔ چنانچہ حضرت حارث بن عبید اﷲ انصاریؓ کہتے ہیں کہ : ’’ میں نے حضرت ام درداء ؓ کو ایک ایسے کجاوے پر سوار دیکھا کہ جس میں لکڑیاں تو تھیں لیکن اس میں پردے نہیں تھے ۔ ام درداءؓ اہل مسجد میں سے ایک انصاری مرد کی عیادت کے لئے آئی تھیں۔‘‘

جب کسی مریض کی عیادت کرنے اس کے گھر جاناپڑ جائے تو عیادت کرنے والے شخص کو چاہئے کہ وہ اس کے گھر جاکر اپنی نظروں کی مکمل حفاظت کرے ۔ چنانچہ حضرت عبد اﷲ بن مسعود ؓ ایک مریض کی عیادت کرنے اس کے گھر تشریف لے گئے ، آپؓ کے ساتھ کچھ اور لوگ بھی تھے ۔ اس گھر میں ایک عورت تھی۔ حضرت عبد اﷲ بن مسعودؓ کے ساتھیوں میں سے (اچانک) ایک شخص کی نظر اس عورت پر پڑگئی تو آپؓ نے (اس کو سختی سے ڈانٹے ہوئے ) فرمایا کہ : ’’ اگر تم اپنی آنکھیں پھوڑ ڈالتے تو یہ تمہارے حق میں بہتر ہوتا۔‘‘

اسی طرح عیادت کرنے والے شخص کو چاہیے کہ وہ مریض کے سرہانے بیٹھے کہ یہ عیادت کرنے کا مسنون طریقہ ہے ۔ چنانچہ حضرت ابن عباسؓ سے روایت ہے کہ رسول اﷲ ؐ جب کسی مریض کی عیادت کرنے کے لئے تشریف لے جاتے تو اس کے سرہانے کے قریب بیٹھتے اس کے بعد اس کو یوں دعاء دیتے : ’’ ترجمہ: میں عرشِ عظیم کے رب، عظمت والے اﷲ سے تیرے لئے صحت و تندرستی اور بیماری سے شفاء کا سوال کرتا ہوں ۔‘‘ اگر مریض کی زندگی ہوتی تو وہ بیماری سے شفایاب اور تندرست ہوجاتا۔

حضرت ربیع بن عبد اﷲ ؓ بیان کرتے ہیں کہ : ’’ میں حضرت حسنؒ کے ساتھ حضرت قتادۃؓ کی عیادت کو گیا ، حضرت حسنؒ حضرت قتادۃؓ کے سرہانے بیٹھے ، ان کی مزاج پرسی کی اور ان کے حق میں یوں دعاء مانگی : ’’ اے اﷲ! ان کے قلب کو شفاء دے اور ان کی بیماری کو ختم فرما!۔‘‘

Sat Feb 18, 2017 12:15 pm View user's profile Send private message
AmannUmrah
Junior PK Member
Junior PK Member


Joined: 26 Jan 2017
Posts: 69
Location: Islamabad Pakistan

Reply with quote
جزاک اللہ!
مسلمان، مسلمان کا بھایی ہے اور بھایی کا بھایی پر حقوق ہوتےہیں۔
ان میں سے ایک حق یہ بھی ہے کہ وہ اپنے بھایی کی بیمارپرسی کرے۔
Mon Feb 27, 2017 9:34 am View user's profile Send private message Visit poster's website AIM Address
Imama Nadeem
Senior Proud Pakistani
Senior Proud Pakistani


Joined: 10 Jun 2016
Posts: 1562

Reply with quote
AmannUmrah wrote:
جزاک اللہ!
مسلمان، مسلمان کا بھایی ہے اور بھایی کا بھایی پر حقوق ہوتےہیں۔
ان میں سے ایک حق یہ بھی ہے کہ وہ اپنے بھایی کی بیمارپرسی کرے۔

beshak aap nai bja frmaya
Mon Feb 27, 2017 12:16 pm View user's profile Send private message
Display posts from previous:    
Reply to topic    Forum Pakistan - Pakistani Forums Home » Islam Forum All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2

Copyright © ForumPakistan.com.pk 2017 All rights reserved.

Contact Us | Advertise | Report Abuse | FP Team | Disclaimer