Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

ForumPakistan.com

Bookmark site!


Chothi shuda khatoon ka janaza


Bookmark and Share
 
Reply to topic    Forum Pakistan - Pakistani Forums Home » Urdu Adab
Chothi shuda khatoon ka janaza
Author Message
Dr Maqsood Hasni
Senior Proud Pakistani
Senior Proud Pakistani


Joined: 09 Jun 2007
Posts: 1094
Location: punjab

Chothi shuda khatoon ka janaza
چوتھی شدہ خاتون کا جنازہ
منسانہ
فانی مقصود حسنی

اس سے پہلے رواں ہفتے میں وہ تین شدہ خواتین کے جنازے پڑھ چکا تھا اور متعلقین سے رسمی اور جعلی ہی سہی اظہار افسوس بھی کر چکا تھا۔ گزرتے ہفتے میں ہی ہم سائے کی جوان اور منہ متھے لگتی شدہ خاتون کا جنازہ اٹھا تو بےاختیار اس کے آنسو چھلک پڑے۔ اس نے لاکھ چھپانے کی کوشش کی لیکن کھوجی آنکھوں سے آنسوؤں کی لکاچھپی چھپ نہ سکی۔ پھر کیا تھا کانا پھوسی کا عمل جاری ہو گیا۔ ایک سے دوسرے اور دوسرے سے تیسرے کے کان میں اس کے آنسوؤں کی کہانی پہنچ گئی۔ کفن دفن کا عمل ختم ہوا تو بیبیوں کی گرہ میں کرمے کے آنسو لگ گئے۔ ہر کسی نے اپنی کہانی گھڑ لی۔ مرنے والی تو قبریں سما گئی لیکن کرمے کے حوالہ سے وہ کچھ طے پا گیا جو اس کے فرشتوں تک کو علم نہ تھا۔
ادیبوں کے افسانے یوں ہی خامہ و قرطاس کی زینت نہیں بنے ان میں زیادہ نہیں تو کم از کم ففٹی پرسنٹ خواتین کا حصہ بھی ہے لیکن تحقیقی و تنقیدی عمل میں کبھی کسی نے ان کا ذکر خیروبد کرنے کی زحمت نہیں اٹھائی۔ بلا شبہ یہ کفران نعمت کے زمرے میں آتا ہے۔
کہا گیا کہ مرنے والی سے کرمے کے ناجائز تعلقات تھے۔ دیکھنے میں کرما کتنا شریف تھا لیکن اندر سے پورا نکلا۔ مرنے والی کتنا پردہ کرتی تھی۔ کسی غیرمرد سے نظریں تک نہ ملاتی تھی لیکن من کی کتنی میسنی نکلی۔
کچھ نے بلاجانے اس کے میکے کے ایام بھی آلودہ کر ڈالے۔ بات کب رکتی ہے۔ کرمے کی شدہ خاتون کے کانوں میں بھی کرمے کی عشق بازی کے قصے پڑ گئے۔ اگر سچ میں کچھ تھا تو چپ کا روزہ لازم تھا کہ مرنے والی کا پردہ رکھا جاتا اور اس کا کفن میلا نہ ہونے دیا جاتا۔ آخر سب نے جہاں چھوڑ جانا ہے۔ کرمے کی بیوی بلا ناغہ کرمے کی بہہ جا بہہ جا پر اتر آئی۔ اس نے لاکھ قسمیں اٹھائیں لیکن وہ اس مقولے کی قائل تھی چور یار ٹھگ کی قسم کا اعتبار نہیں کیا جا سکتا۔ وہ پہلے ہی اس کے لیے جہنم سے کچھ کم نہ تھی اب تو اس کے لیے حاویہ بن گئی۔
باہر آتا تو محرومہ کا خاوند کھا جانے والی نظروں سے دیکھتا۔ ایک دو بار تو اس نے بلاوجہ توتکرار سے کام لیا۔ وہ ہر بار برداشت سے کام لیتا اور نظریں بچا کر نکل جاتا۔ اس روز تو اسے پھینٹی چڑھ گئی بہانہ یہ بنایا گیا کہ اپنے گھر کا کوڑا کرکٹ اس کے گھر کے دروازے کے قریب پھینکتا ہے۔ بھولی بسری یادیں پھر سے تازہ ہو گئیں اور کرمے کی اندر خانے کی عشق لڑائی پھر سے گلی بازار میں آ گئی۔ ہر دیکھتا اس پر ہنستا۔ عمر رسیدہ بیبیاں اسے توے توے کرتیں۔ اس سے ایک مثبت بات یہ ہوئی کہ دو ایک چالو خواتین نے اسے چالو مال سمجھ کر لائین مارنے کی کوشش کی۔ ایک سے اس کی ڈنگ ٹپائی آڑپھس بھی ہو گئی۔ اس زبانی کلامی ان دیکھے ان جانے عشق کے حوالہ سے چھپا رستم ایسا بلندپایہ خطاب بھی اس کا مقدر ٹھہرا ورنہ علاقہ کا کوئی ایرہ غیرہ بھی اس پر نظر نہ رکھتا تھا۔
وہ اکثر سوچتا یہ لوگ کتنے بےحس اور کہانی باز ہیں۔ کسی نے ان آنسوؤں کی وجہ جاننے کی زحمت ہی گوارہ نہ کی۔ یہ بات اپنی جگہ کہ کوئی پوچھتا تو وہ اصل وجہ بتا بھی نہیں سکتا تھا۔ اگر اگل دیتا تو بھی پولے روز کا مقدر ٹھہرتے اور اس سے بڑھ کر اس کی بری ہوتی اور ہر روز ہوتی۔ دوسرا مقدر کا اپنا کھیل ہے۔ ہر خواہش پوری ہو جائے ضروری تو نہیں۔ ہم سائے کی بیوی کا جنازہ اٹھتے سمے اس کا یہ سوچنا کہ اوروں کی عورتیں ہر دوسرے قبر کی راہ لیتی ہیں اور اس والی اس ذیل میں ٹس سے سے مس نہیں ہو رہی۔ اللہ جانے وہ یہ خوشی کا دن کب دیکھے گا۔
جو بھی سہی یہ گھڑت بدنامی رائیگاں تو نہ گئی تھی۔ اپنی کے علاوہ نیکاں بلاکوشش اس کی نرک حیات میں خوشیوں کا گہنا بن کر اتر آئی اور اس سابقہ رولے میں اس کی سچ مچ کی چھپی رستمی سامنے نہ آئی تھی۔


_________________
iushah
Mon Mar 12, 2018 3:10 pm View user's profile Send private message
Display posts from previous:    
Reply to topic    Forum Pakistan - Pakistani Forums Home » Urdu Adab All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2

Copyright © ForumPakistan.com.pk 2017 All rights reserved.

Contact Us | Advertise | Report Abuse | FP Team | Disclaimer